आता लोकांना डेबिट कार्ड न टाकताही एटीएममधून पैसे काढण्याची सुविधा मिळणार आहे. ही सुविधा सर्व बँकांमध्ये दिली जाणार आहे. रिझर्व्ह बँक ऑफ इंडियाचे (RBI) गव्हर्नर शक्तिकांत दास यांनी याला दुजोरा दिला आहे. आतापर्यंत फक्त काही बँकांमध्येच कार्डलेस कॅश काढण्याची सुविधा देण्यात येत होती. ही सुविधा UPI च्या माध्यमातून पूर्ण केली जाईल, ज्यामध्ये कार्डची गरज भासणार नाही.
UPI च्या माध्यमातून पूर्ण केली
जाईल, ज्यामध्ये कार्डची गरज भासणार नाही.
याचा सर्वात मोठा फायदा म्हणजे आता फसवणूक करणारी लोकं कार्ड क्लोन करू शकणार नाहीत आणि अशा प्रकारे होणाऱ्या फसवणुकीच्या घटना संपुष्टात येतील. RBI चे गव्हर्नर शक्तिकांत दास यांनीही याविषयी बोलताना सांगितले की,”यामुळे टान्सॉक्शन अतिशय सरक्षित होतील.” रिझर्व्ह बँक ऑफ इंडियाच्या चलनविषयक धोरण समितीच्या बैठकीत RBI चे गव्हर्नर शक्तिकांत दास यांनी ही माहिती दिली.
आता सर्व एटीएमवर कार्डलेस कॅश उपलब्ध होणार RBI गव्हर्नर म्हणाले, “सध्या एटीएममधून कार्डलेस कॅश काढण्याची सुविधा फक्त काही बँकांपुरतीच मर्यादित आहे. नंतर आता UPI वापरून सर्व बँका आणि एटीएम नेटवर्कवर कार्डलेस कॅश काढण्याची सुविधा देण्याचा प्रस्ताव आहे. “ट्रान्सॉक्शनच्या सुलभतेव्यतिरिक्त, याचा असा फायदा देखील होईल की, अशा ट्रान्सअॅक्शन्ससाठी आता फिजिकल कार्डची आवश्यकता भासणार नाही. तसेच याद्वारे कार्ड स्किमिंग आणि कार्ड क्लोनिंग सारख्या फसवणुकीला प्रतिबंध करण्यासही मदत होईल,” असे गव्हर्नर म्हणाले.
ही कार्डलेस कॅश काढण्याची सुविधा काय आहे? नावाप्रमाणेच, कार्डलेस कॅश काढण्याच्या सुविधेसाठी बँक ग्राहकाला एटीएममधून पैसे काढताना डेबिट किंवा क्रेडिट कार्ड वापरण्याची आवश्यकता भासणार नाही. ही सिस्टीम सध्या विविध बँकांमध्ये उपलब्ध आहे. लोकं एकमेकांच्या संपर्कात येऊ नयेत किंवा किमान एकमेकांच्या संपर्कात यावेत म्हणून कोविड-19 महामारीच्या पार्श्वभूमीवर ही सिस्टीम सुरू करण्यात आली होती.
सध्या, SBI, ICICI बँक, Axis बँक आणि बँक ऑफ बडोदा यासह आणखी काही बँकांचे ग्राहक त्यांच्या डेबिट कार्डशिवायही त्यांच्या फोनद्वारे रोख रक्कम काढू शकतात. कार्डधारकाला यासाठी मोबाईल बँकिंग अॅप वापरावे लागेल आणि त्यामध्ये डेबिट कार्ड नसल्याबद्दल एटीएममधून पैसे काढण्याची विनंती करावी लागेल.
