आधार कार्ड ही अतिशय गरजेचे व महत्वाचं कागदपत्र आहे. परंतु ई आधार कार्ड काढताना भारतीय विशिष्ट ओळख प्राधिकरणाने सतर्कतेचा इशारा देवून गाफील न राहण्याचे आवाहन केले आहे. व आधार कार्ड गैरवापररोखण्यासाठी सावध केले आहे.
तुमचा गाफिलपणा तुम्हाला मोठ्या आर्थिक संकटात टाकू शकतो, असे प्राधिकरणाने स्पष्ट केले आहे. तुमच्या आधारकार्डची सुरक्षा आणि नियमन करणा-या प्राधिकरणाने त्यांच्या अधिकृत ट्विटर हँडलवरुन हा इशारा दिला आहे. आपल्या ट्विटमध्ये प्राधिकरणाने ई-आधारकार्ड सेवा पुरविणा-या सार्वजनिक कम्प्युटर केंद्रावरुन आधार कार्ड डाऊनलोड करताना सावधगिरी बाळगण्याचे आवाहन केले आहे. इंटरनेट कॅफेवर त्याचा दुरुपयोग होऊ शकतो, असा इशारा प्राधिकरणाने दिला आहे. तुमच्या डाटाचा चुकीच्या पद्धतीने वापर होण्याचा धोका असल्याने प्राधिकरणाने अशा ठिकाणी आधारकार्ड डाऊनलोड करताना सतर्क राहण्याचे आवाहन केले. आधार’च्या वापराविषयी माहिती मिळवण्यासाठी सर्वप्रथम UIDAI च्या https://uidai.gov.in/ या संकेतस्थळाला भेट द्यावी लागेल.
आपल्या सर्वांना माहित आहे की, आधार कार्डमध्ये आपले नाव, पत्ता, वडिलांचे किंवा पतीचे नाव आणि फोटो तसेच बोटांचे ठसे आणि डोळ्यांची ठेवण याच्या खुणा आहेत. अशा परिस्थितीत आपल्या आधार कार्डचा कोणी गैरवापर तर करू शकत नाही ना, अशी भीती अनेकांना वाटत असते.
संकेतस्थळाला भेट देऊन गेल्या 6 महिन्यांत आधार कार्डच्या वापराबद्दल माहिती घेऊ शकता. UIDAI च्या संकेतस्थळावर याची संपूर्ण माहिती मिळते.
पुढील प्रकारे आपण माहिती मिळवू शकतो.
- तुमच्या ‘आधार’च्या वापराविषयी माहिती मिळवण्यासाठी सर्वप्रथम UIDAIच्या https://uidai.gov.in/ या संकेतस्थळाला भेट द्या.
- आता खाली या आणि आधार सर्व्हिसेसवर क्लिक करा, त्यानंतर तुमच्या स्क्रीनवर एक नवीन पेज ओपन होईल.
- नव्या पेजवर आल्यावर ऑथेंटिकेशन हिस्ट्रीचा पर्याय दिसेल, तिथे क्लिक करावं लागेल.
- ऑथेंटिकेशन हिस्ट्री पेजवर आल्यानंतर तुम्हाला तुमचा 12 अंकी आधार क्रमांक आणि सिक्युरिटी कोड टाकावा लागेल.
- आता सेंड ओटीपीवर क्लिक करा. आता तुमच्या रजिस्टर्ड मोबाइल नंबरवर 6 अंकी ओटीपी असणार
- 6 अंकी ओटीपी टाकल्यानंतर सबमिटवर क्लिक करा. 7. माहिती भरून ओटीपीची पडताळणी करण्यासाठी व्हेरिफाय ओटीपीवर क्लिक करा.
- व्हेरिफाय ओटीपीवर क्लिक केल्यानंतर तुमचा आधार ऑथेंटिकेशन हिस्ट्री तुमच्या स्क्रीनवर दिसेल. कुठे गेल्या 6 महिन्यात तुमचं आधार कार्ड कधी आणि कुठे वापरलं गेलंय हे तुम्हाला पाहता येणार आहे.
- https://uidai.gov.in/ या संकेतस्थळावर आधार प्रमाणीकरण तपासणे पूर्णपणे विनामूल्य आहे आणि त्यासाठी कोणतेही शुल्क नाही.
- UIDAIच्या संकेतस्थळावर आधार प्रमाणीकरणाचा इतिहास तपासणे पूर्णपणे मोफत आहे आणि त्यासाठी कोणतेही शुल्क नाही.
- UIDAIच्या संकेतस्थळावर या आधार कार्ड जारी करणाऱ्या UIDAI एजन्सीने आधारच्या संरक्षणासाठी विविध प्रणाली विकसित केली आहे. जेणेकरून तुमच्या आधारचा गैरवापर कोणीही करू शकणार नाही.
