ताजी बातमी ऑनलाईन टीम
व्हेल माशाच्या उलटीची तस्करी करताना गेल्या दोन दिवसांपूर्वी कोल्हापूर स्थानिक गुन्हे अन्वेषण शाखेने कारवाई केली होती. याला दिवस उलटताच पुन्हा एकदा गुन्हे अन्वेषण शाखेने दुसरी कारवाई केली. शहरातील मध्यवर्ती भागातच ही कारवाई केली असून जवळपास २ किलो वजनाची आणि २ कोटी एक लाख 50 हजार किमतीची व्हेल माशाची उलटी जप्त केलीय. याप्रकरणी स्थानिक गुन्हे अन्वेषण शाखेने तिघांना अटक केली.
कारवाईत गुन्हे अन्वेषण शाखेने करण संजय टिपुगडे रा. कळंबा, संतोष अभिमन्यु धुरी, कजमवाडी, जाफरसादिक महंमद बाणेदार वाशीनाका कोल्हापूर यातिघांना अटक केली आहे. त्यांच्या कडून एका मोपेड गाडीसह २ किलो १५ ग्रॅम वजनाचे व २ कोटी १ लाख ५० हजार किमतीची माशाची उल्टी जप्त केली आहे.
