IPL 2023 च पॉइंट्स टेबल आधीपासून इंटरेस्टिंग बनलय. लखनऊ विरुद्ध मुंबई मॅचनंतर ते आणखी रंगतदार झालय. लखनऊने मुंबई इंडियन्सला हरवलं. त्यानंतर पॉइंट्स टेबलमध्ये बरच काही बदललं. आता 5 वेळच्या चॅम्पियन मुंबई इंडियन्सच्या टीमवर बाहेर होण्याचा धोका आहे. मुंबई इंडियन्सची टीम स्पर्धेबाहेर गेली, तर आश्चर्य वाटून घेऊ नका. तुम्ही विचार करत असाल, असं आम्ही का म्हणतोय?
लखनऊकडून पराभव झाल्यानंतर मुंबई इंडियन्सचे 13 सामन्यात 14 पॉइंट्स आहेत. साखळी गटातील SRH विरुद्ध शेवटचा सामना जिकंला, तर त्यांचे 16 पॉइंट्स होतील.MI IPL 2023 Playoff
चेन्नई सुपर किंग्स, लखनऊ सुपर जायंट्सने आपले उर्वरित एक-एक सामने जिंकले आणि RCB ने शेवटचे दोन सामने जिंकले, तर मुंबई इंडियन्सच बाहेर होणं निश्चित आहे. RCB आणि MI दोघांचे जास्तीत जास्त 16 पॉइंट्स होतील. अशावेळी रनरेटवर पेच फसेल. तिथे मुंबई इंडियन्सला फटका बसू शकतो. कारण मुंबईचा रनरेट मायनस आणि RCB चा प्लसमध्ये आहेत.
मुंबई इंडियन्सचा रनरेट कसा सुधारेल? हा आता प्रश्न आहे. त्यासाठी RCB ने आपले शेवटचे दोन सामने जिंकले, तर त्यांचं विजयाच मार्जिन 10 रन्सपेक्षा जास्त नको. त्याचवेळी मुंबईला SRH वर कमीत कमी 80 रन्सनी विजय मिळवावा लागेल, तरच मुंबई रनरेटच्या बाबतीत RCB च्या पुढे जाऊ शकते. असं होणं खूप कठीण आहे.
आपले उर्वरित दोन सामने जिंकून प्लेऑफमध्ये दाखल होणं हा मुंबई इंडियन्ससमोर सोपा मार्ग होता. आता एका पराभवामुळे मुंबई इंडियन्सला प्रार्थनाची गरज पडणार आहे. मुंबईला आता SRH विरुद्ध जिंकावच लागेल. त्याशिवाय CSK, LSG, RCB आणि PBKS यांचा उर्वरित सामन्यात पराभव व्हावा, यावर अवलंबून रहाव लागेल.MI IPL 2023 Playoff
