एअरटेल आणि जिओ या देशातील आघाडीच्या टेलिकॉम कंपन्या आहेत. या कंपन्या नेहमीच आपल्या ग्राहकांसाठी प्रदीर्घ व्हॅलिडिटी असणारे प्लॅन्स आणत असतात. यातील अनेक प्लॅन्स पूर्ण वर्ष म्हणजेच 365 दिवस चालतात. या प्लॅन्समध्ये अनलिमिटेड कॉलिंग, 5G डेटा आणि OTT बेनिफिट्ससारखे अनेक फायदे मिळतात. त्यामुळे यूजर्सना वारंवार रिचार्ज करण्याची गरज पडत नाही आणि एकदाच रिचार्ज करून संपूर्ण वर्षभर सुविधा मिळतात. आज आपण दोन्ही कंपन्यांच्या 365 दिवसांची वैधता असलेल्या प्लॅन्सची माहिती जाणून घेऊयात.
एअरटेलचा 3599 रुपयांचा प्लॅन
एअरटेलचा 3599 रुपयांचा प्लॅन 365 दिवसांच्या वैधतेसह येतो. यात यूजर्सना अनलिमिटेड लोकल, STD आणि रोमिंग कॉलिंगची सुविधा मिळते. या प्लॅनमध्ये दररोज 2GB डेटा तसेच अनलिमिटेड 5G डेटाचा फायदा दिला जातो. याशिवाय अडोब एक्सप्रेस प्रीमियमसारखे डिजिटल बेनिफिट्सही यात समाविष्ट आहेत. हा प्लॅन हाय-स्पीड इंटरनेट आणि दीर्घ वैधता हवी असलेल्या यूजर्ससाठी फायदेशीर आहे.
एअरटेलचा 3999 रुपयांचा प्रीमियम प्लॅन
एअरटेलचा 3999 रुपयांचा प्लॅनदेखील 365 दिवसांच्या वैधतेसह येतो. यात अनलिमिटेड कॉलिंगसोबत दररोज 2.5GB डेटा दिला जातो आणि अनलिमिटेड 5G डेटाचाही लाभ मिळतो. या प्लॅनमध्ये जिओ हॉटस्टारचे एक वर्षाचे सबस्क्रिप्शनही समाविष्ट आहे. याशिवाय अनेक अतिरिक्त डिजिटल बेनिफिट्स यूजर्सना दिले जातात. जास्त डेटा वापरणारे आणि OTT कंटेंट पाहणारे यूजर्ससाठी हा प्लॅन चांगला पर्याय आहे.
एअरटेलचे 2249 आणि 1849 रुपयांचे प्लॅन्स
एअरटेलच्या 2249 रुपयांच्या प्लॅनमध्ये 365 दिवसांची वैधता, 30GB डेटा आणि अनलिमिटेड कॉलिंग मिळते. यात अडोब एक्सप्रेस प्रिमियम आणि सेफ नेटवर्क सारखे बेनिफिट्सही समाविष्ट आहेत. तर 1849 रुपयांचा प्लॅनही एक वर्षाच्या वैधतेसह येतो, ज्यामध्ये अनलिमिटेड कॉलिंग आणि काही अतिरिक्त डिजिटल सुविधा दिल्या जातात. हे दोन्ही प्लॅन्स कमी डेटा वापरणाऱ्या पण दीर्घ वैधता हवी असलेल्या यूजर्ससाठी योग्य आहेत.
जिओचा 3599 रुपयांचा प्लॅन
जिओचा 3599 रुपयांचा प्लॅन 365 दिवसांच्या वैधतेसह येतो. यात दररोज 2.5GB डेटा आणि True 5G ची सुविधा दिली जाते. या प्लॅनसोबत जिओ हॉटस्टारवर फ्री लाईव्ह क्रिकेट आणि इतर OTT बेनिफिट्सही मिळतात. कंपनीचा भर हाय डेटा वापरणारे आणि एंटरटेनमेंट आवडणारे ग्राहक यांच्यावर आहे. हा प्लॅन दीर्घकाळ अखंड इंटरनेट आणि मनोरंजनासाठी डिझाइन करण्यात आला आहे.
जिओचा 3999 रुपयांचा वार्षिक प्लॅन
जिओचा 3999 रुपयांचा प्लॅनदेखील 365 दिवसांच्या वैधतेसह येतो. यात दररोज 2.5GB डेटा आणि ट्रू 5G ची सुविधा दिली आहे. या प्लॅनमध्ये फॅनकोड सारख्या OTT प्लॅटफॉर्मचे एक्सेसही दिला जातो. यासोबत अनेक अतिरिक्त डिजिटल बेनिफिट्स दिले जातात. जास्त डेटा आणि OTT कंटेंटचा पूर्ण फायदा एका रिचार्जमध्ये घेऊ इच्छिणाऱ्या यूजर्ससाठी हा प्लॅन खास आहे.
