वायर जोडण्यासाठी महावितरण कर्मचाऱ्यांनी इलेक्ट्रिक खांबावर चढवलं, विजेच्या धक्क्याने तरुणाचा जागीच मृत्यू

विद्युत खांबावर चढलेल्या तरुण शेतकऱ्याचा विजेच्या धक्क्याने मृत्यू झाल्याची दुर्दैवी घटना समोर आली आहे. 30 वर्षीय पंकज दरबारसिंग गिरासे याला प्राण गमवावे लागले. महावितरणच्या कर्मचाऱ्यांनी सांगितल्यामुळे वायर जोडण्यासाठी तो विद्युत पोलवर चढल्याची माहिती आहे. नंदुरबार तालुक्यातील अमळथे शिवारात ही घटना घडली आहे. सबस्टेशनवरुन वीज पुरवठा सुरु केल्याने त्याचा शॉक लागून जागीच मृत्यू झाला. जळून कोळसा झालेला तरुणाचा मृतदेह विजेच्या खांबावरच काही काळ लटकत होता. महावितरण कंपनीच्या निष्काळजीमुळे पंकजसिंग गिरासे या युवकाचा मृत्यू झाल्याचा आरोप ग्रामस्थांनी केला आहे. दोषी अधिकाऱ्यांवर गुन्हे दाखल करण्याची मागणी गावकऱ्यांनी केली.

तरुण शेतकऱ्याचा शॉक लागून जागीच मुत्यू झाल्याची घटना नंदुरबार तालुक्यातील अमळथे शिवारात घडली आहे. अमळथे शिवारात विद्युत रोहित्र जळाले असताना रोहित्र जोडण्याचे काम शुक्रवारी सुरु होते. यावेळी अमळथे येथील पंकज दरबारसिंग गिरासे (वय 30 वर्ष) या युवकाला महावितरण कर्मचाऱ्यांनी पोलवर चढवून वायर जोडण्यास सांगितले. यासाठी कोपर्ली सबस्टेशनवरुन वीज पुरवठा खंडीत करण्यात आला होता. मात्र अचनाक कोपर्ली सबस्टेशनवरुन वीज पुरवठा सुरु केल्याने पंकजसिंग गिरासे यांचा शॉक लागून जागीच मृत्यू झाला.

Open chat
Join our WhatsApp group