व्हॉट्सअॅपने एप्रिल महिन्यात 16.6 लाख भारतीय अकाउंट बंद केले आहेत. ही कारवाई यूझर्सकडून प्राप्त झालेल्या तक्रारींना आणि भारतीय कायद्यांचे किंवा त्याच्या सेवा अटींचे उल्लंघन केल्याबद्दल प्रतिबंध आणि शोध पद्धतींद्वारे करण्यात आली. यापूर्वीही अशा प्रकारची म्हणजेच थेट ब्लॉक करण्याची कारवाई कंपनीकडून करण्यात आलेली आहे.
हानिकारक ऍक्टिव्हिटीज करणे, इतर युजरना त्रास देणे, खोट्या बातम्या व्हायरल करणे यासारख्या काही चुका भारतीयांना महागात पडल्या आहेत. अनेक चुकीच्या गोष्टी केल्यामुळे व्हॉट्सअॅपने हे अकाउंट कायमस्वरूपी ब्लॉक केले आहेत.
मेटा-मालकीच्या इन्स्टंट मेसेजिंग प्लॅटफॉर्म WhatsApp ने एप्रिल 2022 मध्ये (एप्रिल 1-एप्रिल 30) 16.6 लाख हिंदुस्थानी अकाउंटवर माहिती तंत्रज्ञान (मध्यस्थ मार्गदर्शक तत्त्वे आणि डिजिटल मीडिया आचारसंहिता) नियम, 2021 अंतर्गत कंपनीच्या मार्गदर्शक तत्त्वांचे उल्लंघन केल्याबद्दल बंदी घातली होती. कंपनीने मार्च 2022 मध्ये 18 लाखांहून अधिक खात्यांवर बंदी घातली होती.
कंपनीच्या म्हणण्यानुसार, जर कोणी बेकायदेशीर, अश्लील, बदनामीकारक, धमकी देणारे, धमकावणारे, त्रास देणारे आणि द्वेष करणारे भाषण, जातीय किंवा वांशिक भेदभाव असणारे मेसेज शेयर करत असेल असेल किंवा कोणत्याही बेकायदेशीर किंवा अनुचित कंटेंटला प्रोत्साहन देत असेल, तर त्याच्या अकाउंटवर बंदी घातली जाते. याशिवाय, जर एखाद्या युजरने WhatsApp च्या नियम आणि नियमांचे उल्लंघन केले तरी त्याचे अकाउंट बंद केले जाते.
