नरेंद्र मोदी 8 जून रोजी पंतप्रधानपदाची शपथ घेऊ शकतात. अशी शक्यता वर्तवली जात आहे. 240 जागा जिंकल्यानंतर भाजप इतर मित्रपक्षांसोबत सरकार स्थापन करेल. अशात कोणत्या पक्षाच्या नेत्यांना कोणते मंत्रिपद द्यायचे, यावरून चर्चा सुरू झाला आहे.
मीडिया रिपोर्ट्सनुसार नितीश कुमार आणि चंद्राबाबू नायडू यांनी त्यांचे मागणी पत्र सादर केले आहे.
या मध्ये अनेक मंत्रालयांची मागणी करण्यात आली आहे. आता मोदी 3.0 मध्ये कोणते मंत्रिपद कोणाकडे राहणार आणि भाजप स्वतः कोणते मंत्रिपद राखणार याबाबत अटकळ बांधली जात आहे. टीडीपी, जेडीयू, शिवसेना शिंदे गट आणि एलजेपी या पक्षांचा एनडीएमध्ये समावेश आहे. विविध मंत्रालयांकडून मागण्या करण्यात आल्या आहे.
Lok Sabha Election 2024 । नितीशकुमार यांनी ही मागणी केली
रिपोर्ट्सनुसार, बिहारला विशेष दर्जा देण्यासोबतच नितीश कुमार यांनी 12 खासदारांनुसार 3 मंत्रालये मागितली आहे. नितीश कुमार यांना रेल्वे, कृषी आणि अर्थ मंत्रालये हवी आहे.
रेल्वे मंत्रालय हे त्यांचे प्राधान्य आहे. त्याच वेळी, टीडीपीने लोकसभा अध्यक्षपदासह 3 कॅबिनेट मंत्री आणि एका राज्यमंत्रिपदाची मागणी केली आहे. बिहारमध्ये 5 जागा जिंकणाऱ्या लोजपने (रामविलास पासवान) कॅबिनेट आणि राज्यमंत्रिपद मागितले आहे. माजी मुख्यमंत्री जीतन राम मांझी यांच्या ‘हम’नेही कॅबिनेट मंत्रिपदाची मागणी केली आहे.
Lok Sabha Election 2024 । चिराग पासवान यांना हे मंत्रिपद मिळू शकते
चिराग पासवान यांना ग्राहक व्यवहार, अन्न आणि सार्वजनिक वितरण मंत्रालय किंवा रासायनिक खते मंत्रालय दिले जाऊ शकते. सूत्रांवर विश्वास ठेवला तर चिराग पासवान अन्न आणि ग्राहक व्यवहार मंत्रालयाऐवजी दुसऱ्या मंत्रालयात स्वारस्य दाखवत आहे. चिराग यांना रसायन आणि खते मंत्रालयही मिळू शकते, असे बोलले जात आहे.
Lok Sabha Election 2024 । चंद्राबाबू नायडू यांनी मागितली ही मंत्रालये
टीडीपीने ग्रामीण विकास, गृहनिर्माण आणि शहरी व्यवहार, बंदरे आणि जहाजबांधणी, रस्ते वाहतूक आणि महामार्ग आणि जल ऊर्जा मंत्रालयांची मागणी केली आहे. राज्याला निधीची नितांत गरज असल्याने पक्षाला अर्थमंत्रालयातही कनिष्ठ मंत्री हवा असल्याचे सूत्रांचे म्हणणे आहे.
Lok Sabha Election 2024 । भाजप ही मंत्रीपदे स्वतःकडे ठेवू शकते
असा अंदाज वर्तवला जात आहे की,’गृह मंत्रालय, अर्थ मंत्रालय, रेल्वे मंत्रालय, परराष्ट्र मंत्रालय, कायदा मंत्रालय, संरक्षण मंत्रालय, इलेक्ट्रॉनिक्स आणि माहिती तंत्रज्ञान मंत्रालय, रस्ते वाहतूक आणि महामार्ग मंत्रालय, जहाजबांधणी मंत्रालय भाजपकडे राखता येईल.’
Lok Sabha Election 2024 । ही मंत्रालये एनडीएच्या मित्रपक्षांकडे जाऊ शकतात
शिक्षण, आरोग्य, कॉर्पोरेट व्यवहार, माहिती आणि प्रसारण, शहरी विकास गृहनिर्माण, जलसंपदा, नदी विकास आणि गंगा पुनरुज्जीवन, अल्पसंख्याक व्यवहार, विज्ञान आणि तंत्रज्ञान भूविज्ञान, ग्राहक व्यवहार, अन्न आणि सार्वजनिक वितरण, सूक्ष्म, लघु आणि मध्यम उद्योग, मंत्रालये जसे महिला आणि बालविकास, रसायने आणि खते, ग्रामीण विकास-पंचायती राज, पेयजल आणि स्वच्छता, नागरी विमान वाहतूक ही कामे एनडीएच्या मित्रपक्षांना दिली जाऊ शकतात.
Lok Sabha Election 2024 । एनडीएच्या नेत्यांनी ही मागणी केली
टीडीपीचे चंद्राबाबू नायडू देखील नवीन सरकारमध्ये लोकसभा अध्यक्ष, 7-8 कॅबिनेट आणि 1 राज्यमंत्री पदावर लक्ष केंद्रित करत आहेत. यामध्ये रस्ते वाहतूक, ग्रामीण विकास, आरोग्य, गृहनिर्माण आणि शहरी व्यवहार, कृषी, जल ऊर्जा, IT आणि संचार, शिक्षण आणि वित्त (MoS) या मंत्रालयांचा समावेश आहे. त्याचबरोबर नितीश कुमार यांच्या नेतृत्वाखालील जेडीयूने 3 कॅबिनेट पदांची मागणी केली आहे. एनडीए 3.0 सरकारमध्ये शिवसेनेने 1 कॅबिनेट आणि 2 राज्यमंत्री पदांची मागणी केली आहे. जेडीएसलाही पदाची आशा आहे.
तर नेते एचडी कुमारस्वामी यांनी सूचित केले आहे की त्यांच्या पक्षाला नवीन सरकारमध्ये कृषी खाते मिळविण्यात रस आहे.
