कर्नाटकच्या रायचूर येथील 60 वर्षीय रंगम्मा नावाच्या महिलेने, जी भीक मागून आपला उदरनिर्वाह करते, तिने अंजनेया मंदिराच्या जीर्णोद्धारासाठी केले आहे. गेल्या सहा वर्षांपासून जमा केलेले हे पैसे तिने तीन बोर्‍यांमध्ये ठेवले होते. या दानामुळे रंगम्माची उदारता तर दिसून आलीच, शिवाय समाजात दान देण्याबाबत एक नवा दृष्टिकोनही समोर आला आहे. तिने गेल्या 40 वर्षात जमा केलेले पैसे मोजायला २०हून अधिक लोकांना सहा तास लागले आहेत.
दान करण्यासाठी श्रीमंत असणे गरजेचे नाही. तुम्ही मनाने किती श्रीमंत आहात हे महत्त्वाचे आहे. होय, तुम्ही अशा उदाहरणांचा रोजच्या जीवनात बर्‍याचदा ऐकले असेल, पण कर्नाटकच्या रायचूर येथील 60 वर्षीय महिलेने हे खरे करून दाखवले आहे. ही महिला भीक मागून आपला उदरनिर्वाह करते. पण तिने आपल्या कठीण काळासाठी जपून ठेवलेली रक्कम दान केली आहे. एका भिकारी महिलेने दान केलेली रक्कम ऐकून तुम्हालाही आश्चर्य वाटेल. होय, तिने हजार-दोन हजार नव्हे, तर तब्बल 1.83 लाख रुपये दान केले आहेत.
60 वर्षीय रंगम्माने भीक मागून पैसे गोळा केले होते. तिने दान देणार्‍यांसाठी एक आदर्श निर्माण केला आहे. रायचूरच्या बिजनगरा तालुक्यात अंजनेया मंदिराचा जीर्णोद्धार होणार आहे, ज्यासाठी तिने ही रक्कम दान केली आहे. रंगम्माच्या या दानाबद्दल ऐकून सर्वजण थक्क झाले आहेत आणि तिचे कौतुक करत आहेत. रंगम्मा गेल्या सुमारे 40 वर्षांपासून भीक मागून पैसे जमा करत होती. तिने हे पैसे तीन बोर्‍यांमध्ये ठेवले होते. या चिल्लर पैशांना मोजण्यासाठी 20 हून अधिक लोकांना 6 तास लागले.
40 वर्षांपूर्वी आली होती गावात
रंगम्मा सुमारे 40 वर्षांपूर्वी आंध्र प्रदेशातून बिजनगरा गावात आली होती. गावकरी सांगतात की, तेव्हापासून आजपर्यंत रंगम्मा भीक मागत आहे. जेव्हा रंगम्माच्या नोटा मोजायला सुरुवात झाली, तेव्हा समजले की तिचे सुमारे 20 हजार रुपये खराब झाले होते. यापूर्वी रंगम्माने गावकऱ्यांच्या मदतीने भीक मागून जमा केलेल्या सुमारे 1 लाख रुपयांमधून एक घर बांधले होते. रंगम्माने सांगितले की, तिने जे दान दिले आहे, त्यामुळे तिला खूप आनंद होत आहे.
गावकऱ्यांनी विचारले तेव्हा सांगितली खास गोष्ट
गावकऱ्यांनी रंगम्माच्या पेटी आणि गाठोड्यांमध्ये ठेवलेले पैसे पाहिले होते. त्यानंतर तिने सांगितले की, ती मंदिराच्या जीर्णोद्धारासाठी दान करू इच्छिते. यानंतर गावकऱ्यांसमोर ती एक महान दानवीर ठरली.
