१० वी, १२ वी परीक्षा रद्द होणार नाही

ताजी बातमी ऑनलाईन टीम

महाराष्ट्र राज्य माध्यमिक आणि उच्च माध्यमिक शिक्षण मंडळ १० वी आणि १२ वी बोर्डाच्या परीक्षा वेळापत्रकानुसार आयोजित करेल. बोर्डाने बुधवारी ही घोषणा केली. कोरोना संसर्गामुळे उद्भवलेल्या सद्य परिस्थितीचा आढावा घेतल्यानंतर बोर्डाने परीक्षा पुढे न ढकलण्याचा निर्णय घेतला आहे.

मुंबई आणि महाराष्ट्रात गेल्या ४ दिवसांत बाधितांच्या संख्येत घट झाली आहे.या घोषणेनंतर फेब्रुवारी आणि मार्च महिन्यात महाराष्ट्र बोर्डाच्या परीक्षा वेळापत्रकानुसार घेतल्या जातील. याशिवाय शाळांना वेळापत्रकानुसार तोंडी आणि प्रात्यक्षिक परीक्षा घेता येतील, मात्र बोर्डाच्या परीक्षा नियोजित तारखांनाच होतील. महाराष्ट्र बोर्डाने जाहीर केलेल्या वेळापत्रकानुसार इयत्ता १२ | वीच्या लेखी परीक्षा ४ मार्च २०२२ पासून सुरू होणार आहेत. त्याचबरोबर १० वीची लेखी परीक्षा १५ मार्च २०२२ पासून सुरू होणार आहे.

गेल्या वर्षी इयत्ता १० वी, १२ वीच्या दोन्ही परीक्षा रद्द करण्यात आल्या होत्या. त्यानंतर अंतर्गत मूल्यांकनाच्या आधारे निकाल जाहीर करण्यात आले होते. यावर्षी सुमारे ३२ लाख विद्यार्थी महाराष्ट्र बोर्ड परीक्षा २०२२ मध्ये बसणार आहेत.