ताजी बातमी ऑनलाइन टीम
आज (मंगळवार) आयटी निर्देशांकात दोन टक्के आणि ऑटो निर्देशांकात 1.20 टक्क्यांची तेजी नोंदविली गेली. सेन्सेक्सचे टॉप-30 मधील 25 शेअर्स तेजीसह आणि पाच शेअर घसरणीसह बंद झाले. रिलायन्स आणि आयटी स्टॉक मध्ये निर्माण झालेल्या तेजीमुळे आज (मंगळवार) शेअर बाजारात पुन्हा रिकव्हरी दिसून आली.सेन्सेक्समध्ये 700 अंकांची तेजी नोंदविली गेली. आठवड्याच्या दुसऱ्या दिवशी सेन्सेक्स 697 अंकांच्या तेजीसह 57989 स्तरावर पोहोचला आणि निफ्टी 198 अंकांच्या तेजीसह 17315 च्या स्तरावर पोहोचला. आज (मंगळवार) आयटी निर्देशांकात दोन टक्के आणि ऑटो निर्देशांकात 1.20 टक्क्यांची तेजी नोंदविली गेली.
सेन्सेक्सचे टॉप-30 मधील 25 शेअर्स तेजीसह आणि पाच शेअर घसरणीसह बंद झाले. महिंद्रा, रिलायन्स आणि बजाज फायनान्शियल्स सर्व्हिसेस मध्ये सर्वाधिक तेजी दिसून आली. आणि हिंदुस्तान यूनिलिव्हर, नेस्ले इंडिया आणि सनफार्मामध्ये सर्वाधिक घसरण नोंदविली गेली.
मार्केट कॅप अप:
आजच्या तेजीनंतर BSE सूचीबद्ध (लिस्टेड) कंपन्यांचा मार्केट कॅपमध्ये वाढ झाली आहे. मार्केट कॅप 260.35 लाख कोटी रुपयांवर पोहोचला आहे. ऑटो निर्देशांकात भारत फोर्ज आणि टाटा मोटर्स मध्ये 3 टक्क्यांहून अधिक तेजी नोंदविली गेली. दरम्यान, टाटा मोटर्सने 1 एप्रिल नंतर व्यावसायिक वाहनांच्या किंमती मध्ये वाढ करण्याची घोषणा केली आहे.
आजचे वधारणीचे शेअर्स
• टेक महिंद्रा (3.95%)
• बीपीसीएल (3.14%)
• टाटा मोटर्स (2.90%)
• रिलायन्स (2.58%)
• आयओसी (2.25%)
आजचे घसरणीचे शेअर्स
• एचयूएल (-2.81%)
• नेस्ले (-2.50%)
• ब्रिटानिया (-2.44%)
• सिप्ला (-1.69%)
• डिव्हिज् लॅब्स (-0.17%)
