बारामतीतील पवार घराण्याचा राज्यासह देशाच्या राजकारणात दबदबा आहे. याच पवार घराण्याचे सुपुत्र जय पवार यांचा एक फोटो सध्या वाऱ्यासारखा व्हायरल होतोय. जय पवार यांचा बॉलिवूडमधील एका प्रसिद्ध अभिनेत्री (Bollywood Actress) सोबतचा फोटो सध्या व्हायरल होतोय. जय पवार, त्याचा एक मित्र आणि ही अभिनेत्री असा तिघांचा फोटो सध्या व्हायरल होतोय. ही अभिनेत्री कोण आहे याविषयी जाणून घेऊयात…
जय पवार यांचा बॉलिवूडमधील आघाडीच्या अभिनेत्रीसोबतचा फोटो सध्या व्हायरल होतोय. ही अभिनेत्री दुसरी तिसरी कुणी नसून बॉलिवूडची सुपरहॉट अभिनेत्री उर्वशी रौतेला आहे. उर्वशीसोबतच्या जय यांच्या एका फोटोने सध्या सोशल मीडिया व्यापून टाकलाय. या फोटोत उर्वशीने स्कीन कलरचा वनपीस घातलाय. तिच्या शेजारी जय आणि उर्वशीचा कॉमन मित्र आणि या मित्राच्या शेजारी जय उभे आहेत. तिघेही कॅमेऱ्याला पोझ देताना दिसत आहे. उर्वशी आणि जय पवार यांचा हा फोटो ‘cine riser official’ या इन्स्टाग्राम पेजवर शेअर करण्यात आला आहे. हा फोटो दुबईच्या बुर्ज-अल-अरब येथील असल्याचा दावा करण्यात आला आहे. या फोटोची सध्या सोशल मीडियावर चर्चा सुरू आहे.
जय पवार हे राष्ट्रवादीचे सर्वेसर्वा शरद पवार यांचे नातू आहेत. तर राज्याचे उपमुख्यमंत्री अजित पवार यांचे पुत्र आहेत. अजित पवार यांना दोन मुलं आहेत. मोठा मुलगा पार्थ यांनी मावळची लोकसभा निवडणूक लढवली. ज्यात त्यांचा दारूण पराभव झाला. तर जय हे सध्या बारामतीतील समाजकारणात सक्रीय आहेत.
