नाशिकमध्ये दांडिया खेळायला गेलेल्या एका तरुणाची हत्या (Nashik Murder News) करण्यात आली. त्यामुळे एकच खळबळ उडालीय. दांडिया खेळताना किरकोळ वाद होऊन बाचाबाची झाली. त्यानंतर शिवीगाळ होऊन अखेर तरुणाला धारदार शस्त्राने (Nashik youth killed) भोसकण्यात आलं होतं. यात गंभीर जखमी झालेल्या तरुणाची मृत्यूशी झुंज सुरु होती. पण अखेर ही झुंज अपयशी ठरली असून तरुणाने जीव गमावलाय. यानंतर हत्याप्रकरणी नाशिक पोलिसांनी (Nashik Crime) चार जणांना अटक केलीय. पुढील तपास केला जातोय.
नाशिक शहराच्या उपनगर परिसरात नवरात्रोत्सवादरम्यान खळबळजनक घटना घडली. दांडिया खेळत असताना झालेल्या वादातून एका तरुणावर जीवघेणा हल्ला करण्यात आला. चक्क चाकूने या तरुणाला भोसकण्यात आलं. यात तरुण गंभीर जखमी होऊन रक्तबंबाळ झाला होता.
बाबू लोट असं जखमी तरुणाचं नाव आहे. त्याला उपचारासाठी दवाखान्यात दाखल करण्यात आलं होतं. पण अखेर त्याचा मृत्यू झाला आहे. त्यामुळे सगळेच हादरुन गेले आहेत. किरकोळ वादातून बाबू लोट या तरुणाचा दांडिया खेळताना काही तरुणांची वाद झाला होता.
किरोकोळ कारणातून झालेल्या वादातून बाबू लोट आणि अन्य चार ते पाच जणांमध्ये भांडण झालं. त्याचं रुपांतर नंतर शिवीगाळ आणि हाणामारीत झालं. पण हा राडा पुढे इतका वाढला, की संतप्त तरुणांनी बाबूला चाकूने भोसकलं. यात बाबू लोट गंभीर जखमी होऊन अखेर त्याचा मृत्यू झालाय.
या घटनेची नाशिकच्या उपनगर पोलिसांनी गंभीर दखल घेतलीय. चौघा संशयितांना पोलिसांनी अटक केली आहे. अटक केलेल्या संशयित आरोपींमध्ये तिघे अल्पवयीन असल्याची माहिती समोर आलीय. याप्रकरणी हत्येचा गुन्हा दाखल करण्यात आला आहे. सध्या ताब्यात घेण्यात आलेल्या सगळ्यांची पोलीस कसून चौकशी करत आहेत. हत्या झालेल्या तरुणासोबत नेमकं कोणत्या कारणावरुन भांडण झालं होतं, याचा तपास पोलिसांकडून केला जातोय.
