ताजी बातमी ऑनलाईन टीम
पुणे ; परतीच्या पावसाचा फटका पिकांना मोठ्या प्रमाणावर बसला आहे. त्यामुळे रविवारी मार्केट यार्डात फळभाज्यांची आवक मागील आठवड्याच्या तुलनेत घटली आहे. परिणामी कांदा, बटाटा, टोमॅटो, सिमला मिरची, शेवगा, मटारच्या भावात १० ते २० टक्क्यांनी वाढ झाली तर घेवड्याची आवक वाढल्याने त्याच्या भावात काहीशी घट झाली. इतर सर्व प्रकारच्या फळभाज्यांचे भाव मागील आठवड्याच्या तुलनेत स्थिर होते.
राज्यासह परराज्यातून सुमारे ९० ट्रक फळभाज्यांची आवक झाली. परराज्यांतून झालेल्या भाजीपाल्याच्या आवकेमध्ये कर्नाटक, गुजरात येथून सुमारे १५ टेम्पो हिरवी मिरची, कर्नाटकातून चार टेम्पो कोबी, आंध्रप्रदेश, तमिळनाडूतून दोन टेम्पो शेवगा, इंदूर येथून दोन टेम्पो गाजर, कर्नाटकातून पाच टेम्पो घेवडा, गुजरातमधून चार टेम्पो भुईमूग शेंग, मध्य प्रदेशातून लसणाची १३ ट्रक आवक झाली.
स्थानिक भागातून झालेल्या आवकेमध्ये सातारी आले सुमारे १२०० पोती, टोमॅटो आठ हजार क्रेटस, हिरवी मिरची आठ टेम्पो, फ्लॉवर १२ टेम्पो, कोबी आठ टेम्पो, ढोबळी मिरची १० टेम्पो, गाजर २०० गोणी, मटार ४० गोणी, तांबडा भोपळा १० टेम्पो, भेंडी आठ टेम्पो, गवार सहा टेम्पो, कांदा ११० ट्रक, आग्रा, इंदूर, स्थानिक भागातून बटाट्याची ४० ट्रक इतकी आवक झाली, अशी माहिती मार्केट यार्डातील ज्येष्ठ व्यापारी विलास भुजबळ यांनी दिली.फळभाज्यांचे १० किलोचे भाव कांदा : १८०-२२०, बटाटा : २००-२८०, लसूण : १५०-४००, आले : १५०-३५०, भेंडी : २००- ३००, गवार : गावरान व सुरती ः ३००-६००, टोमॅटो : ३००-४००, दोडका : २५०-३५०, हिरवी मिरची : २५०-४५०, दुधी भोपळा : १५०-२००, चवळी : २००-२५०, कारली : हिरवी २५०-३००, पांढरी : २००-२५०, पापडी : ४००-४५०, पडवळ : २००-२५०, काकडी : १२०-१६०, फ्लॉवर : १६०-२००, कोबी : १२०-१६०, वांगी : ३००-४५०, डिंगरी : २००-२५०, नवलकोल : ८०-१००, ढोबळी मिरची : ४००-५००, तोंडली : कळी ः ३५०-४००, जाड : २००-२५०, शेवगा : १०००-१२००, गाजर : ३००-४००, वालवर : ४००-४५०, बीट : २६०-३००, घेवडा : २५०-३५०, कोहळा : १००-१५०, आर्वी : २००-२५०, घोसावळे : ३००-३५०, ढेमसे : २००-२५०, भुईमूग शेंग : ४५०-५००, मटार : स्थानिक : १५००-१८००, पावटा : ५००- ६००, तांबडा भोपळा : ६०-१००, सुरण : २२०-२५०, मका कणीस : ६०-१००, नारळ (शेकडा) : १०००-१६००.मेथी, कोथिंबीर, मूळे, पालकचे भाव तेजीतपावसाने पालेभाज्यांचे नुकसान झाले असून त्याचा परिणाम पालेभाज्यांच्या आवकेवर झाला आहे. रविवारी पालेभाज्यांची आवक साधारण झाली. मेथी, कोथिंबीर, मूळे, पालकचे भाव तेजीत होते. इतर पालेभाज्यांचे भाव गेल्या आठवड्याच्या तुलनेत स्थिर होते. बाजारात कोथिंबिरीची दोन लाख तर मेथीची ४० हजार गड्ड्यांची आवक झाली.
