तुम्ही सध्या गुंतवणुकीचा विचार करत असाल तर तुमच्यासाठी महत्वाची बातमी आहे. देशातील सर्वात मोठी बँक स्टेट बँक ऑफ इंडियाची एक स्पेशल एफडी लवकरच बंद होणार आहे.जर तुम्ही देखील येथे गुंतवणुकीचा विचार करत असाल तर तुमच्याकडे ही शेवटची संधी आहे. यापूर्वी बँकेने याची मुदत वाढवून 31 डिसेंबर 2023 केली. अशातच याची पुन्हा मुदत वाढवली जाईल, याबाबत शंका आहे.
स्टेट बँक ऑफ इंडियाच्या (SBI) विशेष FD स्कीम ‘अमृत कलश’ मध्ये गुंतवणूक करण्यासाठी आता तुमच्याकडे कमी वेळ शिल्लक आहे. SBI च्या विशेष FD मध्ये गुंतवणूक करण्याची शेवटची तारीख 31 डिसेंबर 2023 आहे. म्हणजेच गुंतवणूकदारांकडे गुंतवणूक करण्यासाठी जवळपास 25 दिवस शिल्लक आहेत. 400 दिवसांच्या कालावधीसह ही FD योजना गुंतवणूकदारांना इतर अनेक फायद्यांसह सर्वाधिक परतावा देत आहे, ज्यामुळे ते विशेष आहे.
अमृत कलश गुंतवणुकीवर किती व्याजदर आहे?
स्टेट बँक ऑफ इंडियाच्या म्हणण्यानुसार, बँकेच्या अमृत कलश स्पेशल एफडी स्कीममध्ये गुंतवणूक करणाऱ्या सामान्य नागरिकांना ७.१०% व्याजदर मिळेल. त्याचबरोबर ज्येष्ठ नागरिकांना 7.60% व्याजदर दिला जाईल. ही गुंतवणूक योजना 31 डिसेंबर 2023 पर्यंत गुंतवणुकीसाठीखुली आहे. या कालावधीत कोणतीही व्यक्ती ही योजना ऑनलाइन किंवा ऑफलाइन बुक करू शकते आणि गुंतवणूक करू शकते.
SBI अमृत कलश मध्ये गुंतवणूक करण्याची शेवटची संधी
SBI अमृत कलश मध्ये गुंतवणूक करण्याची अंतिम तारीख 31 डिसेंबर 2023 आहे. बँकेच्या वेबसाइटनुसार, कोणीही अमृत कलश स्पेशल स्कीममध्ये 400 दिवसांच्या कालावधीसह गुंतवणूक करू शकतो आणि हमी परतावा मिळवू शकतो.
किती व्याज मिळतील
SBI बँकेच्या मते, अमृत कलश एफडी गुंतवणूकदार मासिक, त्रैमासिक आणि सहामाही व्याज पेमेंट घेऊ शकतात. SBI अमृत कलशच्या मॅच्युरिटीवर, TDS कापल्यानंतर व्याजाचे पैसे ग्राहकाच्या खात्यात जोडले जातात. SBI वेबसाइटनुसार, अमृत कलश FD मध्ये जमा केलेले पैसे 400 दिवसांच्या कालावधीपूर्वी काढले गेल्यास, बँक दंड म्हणून लागू दरापेक्षा 0.50% ते 1% कमी व्याजदर वजा करू शकते. त्याच वेळी, अमृत कलश याबदल्यात गुंतवणूकदारांना बँक कर्ज सुविधा देखील प्रदान करते. तुम्ही अमृत कलश योजनेअंतर्गत कर्जासाठी अर्ज करू शकता.
