अफाणिस्तानमधील पारिस्थीमुळे काजू-बदामाचे भाव गगनाला भिडले….

नवी दिल्ली । अफगाणिस्तानात तालिबानने ताबा मिळवल्यानंतर तेथे मोठे अराजकतेचे वातावरण आहे. अनेक लोकं देश सोडून जाण्यासाठी प्रयत्न करत आहेत. अफगाणिस्तानमधील या गोंधळाच्या दरम्यान, अचानक जम्मूमध्ये ड्राय फ्रूट्सचे भाव गगनाला भिडू लागले आहेत. अक्रोड, काजू, बदाम यांच्या किमती दुप्पट झाल्या आहेत, कारण बहुतेक सुक्या मेव्याचे उत्पादन अफगाणिस्तानातून येते. अफगाण वस्तूंचे दर दुप्पट झाल्याचे पर्यटकांनी सांगितले जम्मूमध्ये मोठ्या संख्येने पर्यटक येतात आणि सर्व लोकं येथून अक्रोड, बदाम, काजू आणि इतर वस्तू खरेदी करतात.

हैदराबाद येथील पर्यटक मंजू रेड्डी यांनी सांगितले की,”जम्मू हे ड्राय फ्रूट्ससाठी प्रसिद्ध बाजारपेठ आहे, यामुळे अनेक लोकं येथे ते खरेदी करण्यासाठी येतात.”


अफगाणी ड्राय फ्रूट्स किती महाग झाला आहे ते जाणून घ्या किश्मिश: पूर्वी ते 350 रुपये किलो होते जे आता 650 रुपये किलो झाले आहे. अंजीर: अंजीराचा दर पूर्वी 800 रुपये प्रति किलो होता, जो आता 1200 रुपये प्रति किलोवर पोहोचला आहे. बदाम: 650 रुपये प्रति किलो होते आणि आता 1100 रुपये प्रति किलोने विकले जात आहे.
स्थानिक सामानावर कोणताही परिणाम नाही रेड्डी म्हणाले की, स्थानिक ड्राय फ्रूट्सच्या दरात कोणताही महत्त्वपूर्ण बदल झालेला नाही, मात्र अफगाणी वस्तूंचे दर खूपच वाढले आहेत किंवा ते दुप्पट झाले आहेत.


जम्मूच्या दुकानदार शांती गुप्ता सांगतात की,” सणासुदीच्या काळात ड्राय फ्रूट्सची विक्री अनेकदा वाढते. परंतु अफगाणिस्तानातून येणाऱ्या वस्तूंच्या अभावामुळे दर वाढले आहेत. अफगाणिस्तानची परिस्थिती अजून चांगली नाही, त्यामुळे जम्मूच्या बाजारावरही त्याचा परिणाम झाला आहे. जम्मूमध्ये 200 हून अधिक ड्रायफ्रूट्सची दुकाने आहेत, जरी ही दुकाने कात्रा वैष्णो देवीमध्ये हजारो असली तरी अफगाणी ड्राय फ्रूट्सची कमतरता आहे.”

Leave a Reply

Open chat
Join our WhatsApp group