खराब रस्त्यांमुळे कोल्हापुरातील प्रदूषणात वाढ

स्वच्छ हवेसाठी ओळखल्या जाणार्‍या कोल्हापूरला प्रदूषणाचे अक्षरश: ग्रहण लागले आहे. वाहनांची वाढती संख्या, झाडांची प्रचंड कत्तल, औद्योगिकरणामुळे दिवसागणिक शहराभोवती प्रदूषणाचा विळखा घट्टच होत चालला आहे. याहून धक्कादायक बाब म्हणजे एकूण प्रदूषणापैकी (पीएम 2.5 व 10) तब्बल 22 टक्के प्रदूषण हे केवळ आणि केवळ शहरातील खराब रस्त्यांमुळे होत असल्याचे एमपीसीबीच्या अहवालातून समोर आले आहे.

औद्योगिक कंपन्यांनंतर शहरातील प्रदूषणवाढीस जबादार असणार्‍या घटकांमध्ये खराब रस्ते व रसत्यांवरील धुळीचा क्रमांक लागतो. महाराष्ट्र प्रदूषण नियंत्रण मंडळाच्या एका अहवालानुसार एकूण पीएम (पर्टिक्युलेट मॅटर 2.5 व 10) उत्सर्जनामध्ये याचा 22 टक्क्यांचा वाटा असल्याचे सांगण्यात आले आहे.

Open chat
Join our WhatsApp group