राष्ट्रवादी काँग्रेसचे नेते (NCP Leader) छगन भुजबळ (Chhagan Bhujbal) यांच्या अडचणीत वाढ झाली आहे. छगन भुजबळ आणि अन्य दोघांवर मुंबईत गुन्हा दाखल (FIR Against Chhagan Bhujbal) करण्यात आला आहे. एका व्यक्तीला जीवे मारण्याची धमकी (Threatening to Kill) दिल्याप्रकरणी त्यांच्याविरोधात गुन्हा दाखल करण्यात आला आहे. भुजबळ आणि अन्य दोघांनी चेंबूर येथील एका व्यक्तीला व्हॉट्सअप कॉल्स आणि मेसेजद्वारे धमक्या दिल्याचे आरोपामध्ये म्हटले आहे.
मिळालेल्या माहितीनुसार, जीवे मारण्याची धमकी दिल्यानंतर चेंबूर येथील एका रहिवाशाने छगन भुजबळ आणि अन्य दोघांविरोधात पोलिस स्टेशनमध्ये तक्रार दाखल केली होती. टेकचंदानी या व्यक्तीने ही तक्रार दाखल केली असून ते व्यावसायिक आहेत. टेकचंदानी यांच्या तक्रारीनंतर पोलिसांनी छगन भुजबळ आणि अन्य दोघांविरोधात गुन्हा दाखल केला.
छगन भुजबळ आणि अन्य दोघांविरोधात कलम 506, कलम 34 अंतर्गत गुन्हा दाखल करण्यात आला आहे. पोलिसांनी दिलेल्या माहितीनुसार, हिंदू धर्माचा अपमान केल्याच्या भाषणाचे दोन व्हिडिओ छगन भुजबळ यांना मोबाईलवरुन पाठवले होते. व्हिडिओ पाटवल्यानंतर लगेचच टेकचंदानी यांना व्हॉट्सअप कॉल्स आणि मेसेजद्वारे धमक्या मिळू लागल्या. ज्यामध्ये त्यांना शिवीगाळ करत जीवे मारण्याची धमकी देण्यात आल्याचा आरोप करण्यात आला.
