पश्चिम रेल्वेने प्रवास करणाऱ्यांसाठी महत्त्वाची बातमी समोर आली आहे. या मार्गावर प्रवास करणाऱ्या प्रवाशांना काही दिवस त्रास सहन करावा लागणार आहे. पालघर-वनगाव मार्गावरील वाहतूक कोंडीमुळे पश्चिम रेल्वेच्या काही रेल्वे गाड्यांवर परिणाम होणार आहे. प्रवाशांच्या सोयीसाठी या मार्गवर जास्त थांबे देण्यात येणार आहे. यासाठी पश्चिम रेल्वे मार्गावर 5 दिवस ब्लॉक घेण्यात आला आहे. तुम्ही देखील या मार्गावर प्रवास करणारे प्रवासी असाल तर तुमची गैरसोय टाळण्यासाठी जाणून घ्या कोणत्या दिवशी कोणत्या वेळी हा ब्लॉक असणार आहे.
28 फेब्रुवारीपर्यंत राहील ब्लॉक…
पश्चिम रेल्वे मार्गावर हा ब्लॉक 24 ते 28 फेब्रुवारी दरम्यान घेण्यात आला आहे. या कालावधीत दररोज सकाळी 10.10 ते 11.10 यावेळेत हा ब्लॉक असणार आहे. ब्लॉक दरम्यान काही गाड्या अंशतः रद्द राहतील.
