हिरोपंती चित्रपटातून प्रकाश झोतात आलेली बॉलिवूड अभिनेत्री क्रिती सेनन (Kriti Sanon) आज बॉलिवूडच्या यशस्वी अभिनेत्रींपैकी एक आहे. क्रिती आज यशाच्या शिखरावर आहे. क्रिती सेनन 27 जुलै रोजी तिचा 31 वा वाढदिवस (Kriti Sanon Birthday) साजरा करत आहे. आपल्या अभिनयाच्या बळावर ती असंख्य चाहत्यांच्या मनावर राज्य करत आहे. क्रितीचा जन्म 27 जुलै 1990 रोजी नवी दिल्लीत झाला. तिचे वडील राहुल सेनन हे सीए आहेत तर आई गीता सेनन ह्या दिल्ली विद्यापीठात प्राध्यापक आहेत. क्रितीने स्वत: इंजिनीअरिंगचे शिक्षण घेतले आहे. तिने नोएडाच्या कॉलेजमधून बी.टेकचे शिक्षण पूर्ण केले आहे.
दाक्षिणात्य चित्रपटातून केली सुरुवात
क्रिती सेननने (Kriti Sanon) तिच्या करिअरची सुरुवात साऊथ सुपरस्टार महेश बाबूसोबत केली होती. तेलुगू सायकोलॉजिकल थ्रिलर चित्रपट ‘नेनोक्कडाइन’ या चित्रपटातून तिने दाक्षिणात्य चित्रपटात डेब्यू केला. या चित्रपटासाठी क्रिती सेननचे खूप कौतुक झाले पण तिला हवी तशी ओळख मिळू शकली नाही. यानंतर क्रितीने शब्बीर खानच्या ‘हिरोपंती’मध्ये टायगर श्रॉफसोबत (Tiger Shroff) बॉलिवूडमध्ये पदार्पण केले. तिचा हा बॉलिवूडमधील पहिला चित्रपट होता. क्रितीचा हा पहिलाच चित्रपट हिट झाला आणि क्रिती सेननला खरी ओळख मिळाली. यानंतर ती बॉलिवूडमधील अनेक मोठ्या चित्रपटांमध्ये दिसली आहे. ‘दिलवाले’, ‘बरेली की बर्फी’ आणि ‘लुका छुपी’ सारख्या चित्रपटांचा समावेश आहे.
बॉलिवूडमध्ये आघाडीच्या अभिनेत्यांसोबत काम
क्रितीने अक्षय कुमार आणि शाहरुख खान (Shah Rukh Khan) सोबत देखील काम केले आहे. तर सलमान खानची (Salman Khan) ती खूप मोठी फॅन आहे. चित्रपटांपूर्वी, क्रितीने अनेक टेलिव्हिजन जाहिरातीमध्ये काम केले आहे. क्रिती सेननला तिच्या अभिनयासाठी फिल्मफेअर पुरस्कारही मिळाला आहे. क्रिती सेनन पर्सनल लाईफ मध्ये एक बिनधास्त गर्ल आहे. ती सोशल मीडियावर नेहमी ऍक्टिव्ह असते. चाहत्यांसाठी ती इंस्टाग्रामवर नवनवीन पोस्ट शेअर करत असते. तिच्या प्रत्येक पोस्टला चाहत्यांचा भरभरून प्रतिसाद मिळतो.
