चांद्रयान-3 मोहिमेतील एक मोठा टप्पा यशस्वीपणे पार पाडण्यात इस्रोला यश मिळालं आहे. चांद्रयानातील प्रॉपल्शन मॉड्यूल आणि विक्रम लँडर हे एकमेकांपासून वेगळे झाले आहेत. आता विक्रम लँडर चंद्राच्या पृष्ठभागाच्या दिशेने प्रवास करेल, तर प्रॉपल्शन मॉडेल चंद्राच्या भोवती फिरत राहणार आहे.
इस्रोने एक्स (ट्विटर) पोस्ट करत याबाबत माहिती दिली. विक्रम लँडरच्या आतमध्येच प्रज्ञान रोव्हर आहे. 23 ऑगस्ट रोजी विक्रम लँडर चंद्रावर उतरल्यानंतर रोव्हर बाहेर येईल, आणि चंद्राच्या पृष्ठभागावर फिरुन माहिती गोळा करेल.
