मागच्या काही वर्षांपासून मराठवाड्यात कधी अतिवृष्टी तर कधी कमी पावसामुळे शेतकऱ्यांसह अनेकांचे हाल होत आहे. यावेळी देखील मराठवाडा कोरड्या दुष्काळाच्या छायेत आहे.
तर दुसरीकडे मराठवाड्यासाठी उद्याचा दिवस महत्वाचा ठरणार आहे. याचा मुख्य कारण म्हणजे उद्या औरंगाबाद शहरात राज्य मंत्रिमंडळाची विशेष बैठक होणार आहे.समोर आलेल्या माहितीनुसार या विशेष बैठकीमध्ये मराठवाड्यासाठी 40 हजार कोटी रुपये खर्चाच्या योजनांचे पॅकेज जाहीर होणार आहे. सूत्रानुसार या योजनांध्ये प्रामुख्याने सिंचन, वैद्यकीय महाविद्यालय, रस्ते विकास प्रकल्प आणि कृषि महाविद्यालयाची घोषणा होण्याची शक्यता आहे. (Marathwada Cabinet Meeting)
शेतकऱ्यांचे बैठकीकडे विशेष लक्ष
मराठवाड्यात गेल्या चार वर्षांपासून अतिवृष्टी होताना दिसत आहे तर यंदा पावसाने दांडी मारली आहे. यामुळे पुन्हा एकदा शेतकरी अडचणीत सापडला आहे. म्हणून उद्या होणाऱ्या या विशेष बैठकीमध्ये सर्वाधिक पॅकेज शेतकऱ्यांसाठी जाहीर होणार असल्याची माहिती समोर आली आहे. कृषी विभागाने 600 कोटीचा प्रस्ताव मुख्यंमत्री कार्यालयाकडे सादर केला आहे अशी देखील माहिती सूत्रांनी दिली आहे.
वेगवेगळ्या विभागांचे प्रस्ताव
कृषी विभाग : 600 कोटी
वैद्यकीय शिक्षण विभाग : 500 कोटी
महिला व बालकल्याण विभाग : 300 कोटी
शालेय शिक्षण विभाग : 300 कोटी
क्रीडा विभाग : 600 कोटीउद्योग विभाग : 200 कोटी
सांस्कृतिक कार्य विभाग : 200 कोटी
नगरविकास विभाग : 150 कोटी
सिंचन विभाग : 21 हजार कोटी
सार्वजनिक बांधकाम विभाग :10 ते 12 हजार कोटी
ग्रामविकास विभाग : 1हजार 200 कोटी
निवडणुकीपूर्वीची बैठक
आगामी विधानसभा आणि लोकसभा निवडणुकीपूर्वी मराठवाड्यात मंत्रिमंडळाची बैठक होत असल्याने ही बैठक महत्वाची ठरणार आहे. मराठवाड्यातील मतदारांना खुश करण्यासाठी सरकार अनेक मोठ्या घोषणा करणार असल्याची देखील माहितीची समोर येत आहे.
