आठवड्याच्या पहिल्या दिवशी सोमवारी शेअर बाजार मोठ्या घसरणीसह बंद झाला. बँकिंग, ऑटो, फायनान्शिअल सर्व्हिसेस, एफएमसीजी, मेटल, रियल्टी आणि ऑइल अँड गॅस शेअर्समध्ये नफा बुकिंग दिसून आलीव्यवहाराच्या शेवटी सेन्सेक्स 523 अंकांनी घसरून 71,073 वर बंद झाला.
त्याच वेळी, निफ्टी 166.45 अंकांनी घसरला आणि 21,616 च्या पातळीवर बंद झाला. सोमवारच्या व्यवहारात आयटी, फार्मा आणि हेल्थकेअर क्षेत्रात खरेदी दिसून आली.
सोमवारी शेअर बाजारात निफ्टी मिडकॅप 100, बीएसई स्मॉल कॅप, निफ्टी बँकसह निफ्टी ऑटो आणि निफ्टी फायनान्शियल सर्व्हिसेससह निफ्टी एफएमसीजी निर्देशांकात घसरण झाली. निफ्टी आयटी आणि निफ्टी फार्मा निर्देशांक वाढीसह बंद झाले.कोणते शेअर्स घसरले?
शेअर बाजारात वाढ दर्शविणाऱ्या कंपन्यांमध्ये डॉ. रेड्डीज, अपोलो हॉस्पिटल, डिवीज लॅब, विप्रो, एचसीएल टेक, महिंद्रा अँड महिंद्रा आणि एलटीआय माइंडट्री यांच्या शेअर्समध्ये वाढ झाली. कोल इंडिया, हीरो मोटोकॉर्प, ओएनजीसी, टाटा स्टील, एनटीपीसी आणि एसबीआयचे बीपीसीएल शेअर्स घसरणीसह बंद झाले.S&P BSE SENSEX
कोणते शेअर्स 52 आठवड्यांच्या नीचांकी पातळीवर?
सोमवारी शेअर बाजारातील व्यवहारादरम्यान ओरिएंट इलेक्ट्रिक, शारदा क्रॉप केम, दीपक फर्टिलायझर्स, पॉलीप्लेक्स कॉर्प आणि विनती ऑरगॅनिक्सचे शेअर्स 52 आठवड्यांच्या नीचांकी पातळीवर पोहोचले. अदानी समूहाच्या 10 शेअर्सपैकी दोन कंपन्यांचे शेअर्स किंचित वाढीसह व्यवहार करत होते तर आठ कंपन्यांचे शेअर्स घसरणीसह बंद झाले.गुंतवणूकदारांचे 7.51 लाख कोटी रुपयांचे नुकसान
9 फेब्रुवारी 2024 रोजी, BSE वर सर्व कंपन्यांचे एकूण मार्केट कॅप 386.36 लाख कोटी रुपये होते. आज म्हणजेच 12 फेब्रुवारी 2024 रोजी ते 378.85 लाख कोटी रुपयांवर घसरले. याचा अर्थ आज गुंतवणूकदारांच्या भांडवलात 7.51 लाख कोटी रुपयांची घसरण झाली आहे.
