नागपुरातील खापरखेडा पोलीस स्टेशन अंतर्गत पिपळा डाग बंगला या ठिकाणी सराफा व्यापाराची तब्बल 1 कोटी 15 लाखांची लूट करण्यात आली आहे.
पिपळा डाग बंगला येथे निहारिका ज्वेलर्स नावाने दुकान असलेले रवी मुसळे यांचे सोन्या चांदीच्या दागिन्यांचे दुकान आहे, काल रात्री परिसरात पाऊस सुरू झाल्याने रस्त्यावरील पथदिवे बंद होते.
दोघेही कारमध्ये बसून घराकडे निघणार त्याच्या आधीच चार ते पाच जणांनी त्या ठिकाणी येऊन दोघांना जबर मारहाण केली आणि बंदुकीचा धाक दाखवत हवेत गोळीबार केला.
त्यानंतर लुटारू रवी मुसळे यांची कार घेऊन सोने-चांदीची बॅगसह पसार झाले. नागपूर पोलिसांनी सीसीटीव्ही फुटेजच्या आधारे लुटारूंचा शोध सुरू केला असून अद्याप त्यांना पकडण्यात यश आलेलं नाही.
