वर्ल्ड टेस्ट चॅम्पियनशिप 2025-2027 चौथ्या पर्वाची सुरुवात भारतीय संघ इंग्लंड दौऱ्यापासून करणार आहे. ही कसोटी मालिका भारतासाठी खूपच महत्त्वाची आहे. भारत आणि इंग्लंड यांच्यात पहिला कसोटी सामना 20 जूनपासून हेडिंग्लेच्या मैदानावर होणार आहे. दुसरीकडे, भारतीय महिला संघही इंग्लंड दौऱ्यावर आहे. या दौऱ्यात भारतीय महिला संघ पाच टी20 आणि तीन वनडे सामन्यांची मालिका खेळणार आहे. भारताने टी20 मालिकेसाठी आधीच संघाची घोषणा केली होती. 13 जून रोजी इंग्लंडने टी20 मालिकेसाठी संघाची घोषणा केली आहे. या संघात इंग्लंडची स्टार अष्टपैलू खेळाडू सोफी एक्लेस्टोनचं कमबॅक झालं आहे. सोफीने आंतरराष्ट्रीय क्रिकेटमध्ये थोड्या काळासाठी विश्रांती घेतली होती. मात्र आता तिचं संघात कमबॅक झालं आहे. इतकंच काय तर संघात वेगवान गोलंदाज लॉरेन फिलर जागा मिळाली आहे. पण फिरकीपटू सारा ग्लेनला या संघातून वगळण्यात आलं आहे. तसेच वेस्ट इंडिज दौऱ्यात दुखापतग्रस्त झालेली हीथर नाईटही या मालिकेला मुकली आहे.
सोफी एक्लेस्टोनही आजही आयसीसी महिला गोलंदाजांच्या यादीत पहिल्या स्थानावर आहे. यावरून तिचं संघातलं महत्त्व अधोरेखित होतं. इंग्लंड महिला संघाची हेड कोच चार्लोट एडवर्ड्सने याबाबत आनंद व्यक्त करत सांगितलं की, ‘सोफीचं संघात येणं आमच्यासाठी आनंदाची बातमी आहे. ती आमच्या संघातील मॅच विनर खेळाडू आहे.’ दुसरीकडे, भारताने हरमनप्रीत कौरच्या नेतृत्वात भारतीय संघाची घोषणा आधीच केली आहे. या संघात स्नेह राणा आणि शफाली वर्माचं कमबॅक झालं आहे. शफाली वर्माला वनडे संघातून वगळण्यात आलं आहे.
भारत आणि इंग्लंड या दोन्ही संघाचे खेळाडू
इंग्लंड : नॅट सायव्हर-ब्रंट (कर्णधार), एम आर्लॉट, टॅमी ब्यूमोंट, लॉरेन बेल, एलिस कॅप्सी, चार्ली डीन, सोफिया डंकले, सोफी एक्लेस्टोन, लॉरेन फाइलर, एमी जोन्स, पेज स्कॉलफिल्ड, लिन्से स्मिथ, डॅनी व्याट-हॉज, इस्सी वोंग.
भारत : हरमनप्रीत कौर (कर्णधार), स्मृती मानधना (उपकर्णधार), शेफाली वर्मा, जेमिमाह रॉड्रिग्स, रिचा घोष, यास्तिका भाटिया, हरलीन देओल, दीप्ती शर्मा, स्नेह राणा, श्री चरणी, शुची उपाध्याय, अमनजोत कौर, अरुंधती रेड्डी, क्रांती गौड, सायली सातघरे.
