मुंबईतील ७१ वर्षीय महिलेला ऑनलाइन दूध ऑर्डर करणे(milk) महागात पडले. महिलेने एका अॅपद्वारे दूध ऑर्डर केले होते. त्यानंतर तिला दीपक नावाच्या व्यक्तीचा फोन आला.
७१ वर्षीय महिलेला ऑनलाइन १ लिटर दूध ऑर्डर करणे महागात पडले. महिलेला दूध मिळाले नाही पण ऑनलाइन दूध ऑर्डर करण्याच्या प्रक्रियेत तिची १८ लाख ५० हजार रुपयांची (milk)फसवणूक झाली. एका पोलीस अधिकाऱ्याने सांगितले की, वडाळा येथील रहिवासी असलेल्या या महिलेने ४ ऑगस्ट रोजी ऑनलाइन दूध ऑर्डर करण्यासाठी एका प्रसिद्ध अॅपद्वारे दूध ऑर्डर केले होते. त्यानंतर काही वेळातच, एका व्यक्तीने फोन केला ज्याने स्वतःची ओळख एका ब्रँडेड दूध कंपनीचा कार्यकारी अधिकारी दीपक अशी करून दिली. त्याने तिच्या मोबाईल फोन नंबरवर एक लिंक पाठवली आणि दूध ऑर्डर करण्यासाठी तिची माहिती देण्यास सांगितले.
दोघांमधील संभाषण एक तास चालले
तसेच महिलेला कॉल डिस्कनेक्ट न करता लिंकवर क्लिक करण्यास आणि पुढील सूचनांचे पालन करण्यास सांगण्यात आले. या दरम्यान, दोघांमधील संभाषण एक तास चालू राहिले. दरम्यान, कॉल एक तासापेक्षा जास्त काळ चालू राहिल्याने, महिलेने कंटाळून कॉल डिस्कनेक्ट केला. दुसऱ्या दिवशी, महिलेला त्याच व्यक्तीचा (आरोपी) पुन्हा कॉल आला, ज्याने महिलेशी बोलत असताना तिच्याकडून बँकिंग माहिती गोळा केली आणि कॉल डिस्कनेक्ट केला. दुसऱ्या दिवशी महिलेला पैसे काढल्याच्या काही सूचना मिळाल्या. यानंतर, जेव्हा ती बँकेत गेली तेव्हा तिला कळले की तिच्या एका खात्यातून १ लाख ७० हजार रुपये काढले गेले आहेत आणि तिची इतर दोन बँक खाती देखील रिकामी झाली आहेत. पोलिसांच्या म्हणण्यानुसार, तक्रारदार महिलेला तिन्ही बँकांमध्ये जमा केलेल्या एकूण १८.५ लाखांचे नुकसान झाले आहे आणि तिची तिन्ही बँक खाती रिकामी झाली आहेत.
पोलीस तपासात गुंतले
पोलिसांच्या म्हणण्यानुसार, प्रथमदर्शनी असे आढळून आले की आरोपीने तक्रारदाराच्या फोनवर एक लिंक पाठवली आणि तिला त्यावर क्लिक करायला लावून आणि तिला संभाषणात गुंतवून ठेवून, तिचा नंबर हॅक केला आणि नंतर सायबर फसवणूक केली. या संदर्भात, महिलेच्या तक्रारीच्या आधारे, पोलिसांनी अज्ञात व्यक्तींविरुद्ध गुन्हा दाखल केला आहे आणि तपास सुरू आहे.
