देशभरातील सैनिक शाळांमध्ये प्रवेशाची प्रक्रिया सुरू असतानाच केंद्र सरकारने आणखी 3 नव्या सैनिक शाळा सुरू केल्या आहेत. यामुळे सैनिकी शाळांच्या जागांमध्ये वाढ होणार असून पालकांना आपल्या पाल्याला सैनिक शाळांमध्ये दाखल करण्यासाठी उत्तम संधी मिळाली आहे.
ज्या पालकांना आपल्या मुलांना सैनिक स्कूलमध्ये प्रवेश घ्यायचा आहे, ते 30 ऑक्टोबरपर्यंत ऑनलाइन पद्धतीने अर्ज करू शकतात. प्रवेश परीक्षेचे आयोजन जानेवारी 2026 मध्ये केले जाईल.
सुरू झालेल्या 3 नव्या शाळांची नावे –
केंद्र सरकारने जाहीर केलेल्या अधिसूचनेनुसार, हे तीन नवे सैनिक स्कूल खालीलप्रमाणे आहेत:
-श्री एस पी के पब्लिक सीनियर सेकंडरी स्कूल, तमिळनाडू (नमक्कल), निवासी
-वादेम नगर हायर सेकंडरी स्कूल, गोवा (वास्को-गोवा), निवासी
-योगेश्वरी सैनिक स्कूल, अंबाजोगाई, महाराष्ट्र (बीड), डे बोर्डिंग
30 ऑक्टोबरपर्यंत नोंदणीची संधी-
सध्या देशभरातील 69 नवीन सैनिक शाळांमध्ये (इयत्ता 6वीसाठी) आणि 19 नवीन सैनिक शाळांमध्ये (इयत्ता 9वीसाठी) प्रवेशाकरिता (AISSEE 2026) अर्ज करण्याची प्रक्रिया सुरू आहे. अर्ज भरण्याची अंतिम तारीख 30 ऑक्टोबर निश्चित करण्यात आली आहे. त्यामुळे, इच्छुक पालक 30 ऑक्टोबरपर्यंत अर्ज प्रक्रिया पूर्ण करू शकतात. दोन्ही वर्गांसाठी प्रवेश परीक्षा जानेवारी 2026 मध्ये होण्याची शक्यता आहे.
अर्ज प्रक्रिया आणि शुल्क –
अर्ज प्रक्रिया:
-AISSEE 2026 चा ऑनलाइन फॉर्म भरण्यासाठी सर्वप्रथम अधिकृत वेबसाइट exams.nta.nic.in ला भेट द्या.
-मुख्य पृष्ठावर (होम पेज) SAINIK SCHOOL SOCIETY वर क्लिक करा.
-LATEST NEWS मधील Registration for AISSEE-2026 Examination is LIVE! या लिंकवर क्लिक करा.
-वेबसाइटच्या मुख्य पृष्ठावरील नोंदणी (रजिस्ट्रेशन) लिंकवर क्लिक करून आवश्यक माहिती भरा आणि नोंदणी पूर्ण करा.
-यानंतर फॉर्ममध्ये विचारलेले इतर तपशील भरून अर्ज प्रक्रिया पूर्ण करा.
-आता निर्धारित शुल्क (फीस) जमा करा आणि पूर्ण भरलेला फॉर्म सबमिट करा.
-अखेरीस, फॉर्मची प्रिंटआउट काढून भविष्यातील संदर्भासाठी सुरक्षित ठेवा.
अर्ज शुल्क:
वर्ग शुल्क (रुपये)
जनरल, ओबीसी (एनसीएल), डिफेन्स/माजी सैनिक 850 रुपये
एससी/एसटी वर्ग 700 रुपये
