अर्थसंकल्प 2026 सादर झाल्यानंतर सलग दुसऱ्या दिवशी सोन्याचे दर सर्वाधिक कोसळले आहेत. जळगावच्या सराफ बाजारामध्ये सोन्या आणि चांदीच्या दरामध्ये विक्रमी घसरण झाली आहे. सोने थेट 9800 रुपयांनी घसरले आहे. जाणून घ्या आजचा 10 ग्रॅम सोन्याचा भाव किती?
भारतीय संस्कृतीमध्ये सर्वात मौल्यवान धातू म्हणून सोने ओळखले जाते. शुभ कार्याच्या वेळी अंगावर सोने घालण्याची परंपरा कित्येक वर्षांपासून चालत आली आहे. पण गेल्या काही महिन्यांपासून सोन्याचे भाव सतत वाढत आहेत. मात्र, आज सोन्याच्या भावात घसरण झाली आहे.
आज सोन्याच्या दरात तब्बल 9 हजार 800 रुपये तर चांदीच्या दरात तब्बल 53 हजार रुपयांची घसरण झाली आहे. ही घसरण आजवरची सर्वात मोठी घसरण समजली जात आहे.
आता सोन्याचे दर जीएसटी सह 1 लाख 53 हजार 470 रुपये तर चांदीचे दर 2 लाख 57 हजार 500 रुपयांवर आले आहेत. दोन लाखांच्या उंबरठ्यावर पोहोचलेले सोन्याचे दर पुन्हा दीड लाखावर तर चार लाखांचा आकडा पार करणाऱ्या चांदीचे दर देखील अडीच लाखांवर आल्याने ग्राहकांना दिलासा मिळाला आहे.
