RBI कडून महिन्याच्या सुरुवातीला सुट्टीची यादी जाहीर केली जाते. शनिवारपासून म्हणजे २४ऑगस्टपासून सलग तीन दिवस बँका बंद राहणार आहेत. या काळात तुमचे काही महत्त्वाचे काम असेल तर ते आजच पूर्ण करा. बँका बंद राहतील पण ऑनलाइन बँकिंगची (नेट बँकिंग) सुविधा सुरू राहील तर तीन दिवस बँका का बंद राहणार आहेत जाणून घ्या.
या तीन दिवशी सुट्टी असणार…
या आठवड्याच्या शेवटच्या दिवसांमध्ये सलग ३ दिवस बँका बंद राहणार आहेत. या सुट्यांमध्ये साप्ताहिक आणि चौथ्या शनिवारचा समावेश आहे. २४ ऑगस्टला चौथा शनिवार असल्याने बँकेला सुट्टी आहे. रविवार, २५ ऑगस्ट, साप्ताहिक बँक सुट्टी आणि सोमवार, २६ ऑगस्ट रोजी जन्माष्टमीमुळे देशभरातील सर्व बँका बंद राहणार आहेत. २४ ऑगस्ट ते २६ ऑगस्ट या कालावधीत बँकेला सतत सुट्टी असेल. याशिवाय ३१ ऑगस्ट म्हणजेच शनिवारीही बँका बंद राहणार आहेत.
महत्त्वाचे काम आजच उरकून घ्या
तुम्हाला काही महत्त्वाच्या कामासाठी बँकेत जायचे असेल तर आजच जाण्याचा प्रयत्न करा. तुम्हाला चेक किंवा ड्राफ्ट जमा करायचा असेल, नवीन खाते उघडायचे असेल किंवा तुमचे केवायसी बाकी असेल, तर आजच बँकेत जा आणि ही महत्त्वाची कामे पूर्ण करा. बँकेच्या सुट्ट्यांमध्ये तुम्ही बँकेत जाऊन तुमच्या खात्यातून पैसे काढू किंवा जमा करू शकत नाही.
तुम्ही चेक क्लिअरन्स, ड्राफ्ट मेकिंग यासारख्या सेवा वापरू शकणार नाही. सध्या जगात इतके डिजीटलायझेशन झाले आहे तर त्याचा फायदा तुम्हाला घेता येईल. डिजीटलायझेशनमुळे ऑनलाइन व्यवहार, मोबाइल बँकिंग, एटीएम सेवा या सुविधा सुरू राहणार आहेत. ऑनलाइन बँकिंग सेवेद्वारे, तुम्ही बॅलन्स चेक, व्यवहार, मिनी स्टेटमेंट इत्यादी विविध सेवा वापरण्यास सक्षम असाल. बँकिंग ॲप किंवा इंटरनेट बँकिंगद्वारे घरबसल्या फंड ट्रान्सफर, एफडी खाते उघडणे यासारख्या सेवांचा लाभ घेऊ शकता. जर तुम्हाला पैसे काढायचे असतील तर तुम्ही एटीएम वापरू शकता.
