फ्लॅगशिप फीचर्स असलेला iQOO चा नवीन प्रीमियम फोन iQOO 15 ग्राहकांसाठी लाँच करण्यात आला आहे. फीचर्सबद्दल बोलायचे झाले तर, हा iQOO फोन पॉवरफुल क्वालकॉम प्रोसेसर, 7000 mAh बॅटरी आणि तीन 50-मेगापिक्सेल रिअर कॅमेरा सेन्सर्ससह लाँच करण्यात आला आहे. तसेच कंपनी iQOO 15 ला पाच वर्षांचे OS अपग्रेड आणि सात वर्षांचे सुरक्षा अपडेट देईल.तर आजच्या लेखात आपण जाणून घेऊयात की हा फोन कोणत्या किंमतीत लाँच करण्यात आला आहे, तो कोणत्या स्मार्टफोनशी स्पर्धा करेल, हा फोन कधी विक्रीसाठी उपलब्ध होईल आणि या फोनमध्ये कोणते खास फीचर्स आहेत?
iQOO 15 ची भारतातील किंमत
हा फोन दोन व्हेरिएंटमध्ये लाँच करण्यात आला आहे. त्यातील एक म्हणजे 12 जीबी/256 जीबी व्हेरिएंट असलेल्या फोनची किंमत 72,999 रूपये आहे, तर टॉप-एंड 16 जीबी/512 जीबी व्हेरिएंटची किंमत 79,999 रूपये आहे. सुरुवातीच्या ऑफरचा भाग म्हणून, 7000 रुपयांची इन्स्टंट बँक डिस्काउंट उपलब्ध असेल, त्यानंतर 12 जीबी व्हेरिएंट 64,999 रूपयांमध्ये आणि 16 जीबी व्हेरिएंट 71,999 रूपयांमध्ये उपलब्ध असेल.
iQOO 15 पर्याय
iQOO 15 या स्मार्टफोनच्या या किंमतीच्या रेंजमध्ये, OnePlus 15 5G, Realme GT 8 Pro, OPPO Find X9, Xiaomi 15 आणि Google Pixel 10 सारख्या स्मार्टफोनला टक्कर देणार आहे. तुम्ही हा फोन कंपनीच्या वेबसाइट तसेच ई-कॉमर्स प्लॅटफॉर्म Amazon वरून खरेदी करू शकता.
iQOO 15 चे स्पेसिफिकेशन्स
डिस्प्ले: या फोनमध्ये 6.85 -इंचाचा 2K रिझोल्यूशन असलेला Samsung M14 LED OLED डिस्प्ले आहे.
चिपसेट: स्पीड आणि मल्टीटास्किंगसाठी, हा फोन स्नॅपड्रॅगन 8 एलिट जेन 5 प्रोसेसर, Q3 कंप्युटिंग चिपसह समर्थित आहे. फोनचा AnTuTu स्कोअर 4MN+ (4 दशलक्ष पेक्षा जास्त पॉइंट्स) आहे.
कॅमेरा: फोनमध्ये ट्रिपल रिअर कॅमेरा सेटअप आहे, ज्यामध्ये 50-मेगापिक्सेलचा प्रायमरी कॅमेरा, 50-मेगापिक्सेलचा टेलिफोटो सेन्सर (100x डिजिटल झूम) आणि 50-मेगापिक्सेलचा अल्ट्रा-वाइड-अँगल लेन्स आहे. सेल्फीसाठी 32-मेगापिक्सेलचा फ्रंट कॅमेरा देण्यात आला आहे. बॅटरी: या हँडसेटमध्ये 7000mAh ची पॉवरफूल बॅटरी आहे जी 40W वायरलेस चार्जिंग आणि 100W सुपरफास्ट चार्जिंगला सपोर्ट करते.
