ताजी बातमी /ऑनलाइन टीम इचलकरंजी, (प्रतिनिधी)-
सिरीजच्या तुटवड्यामुळे कोरोना लसीकरण रखडण्याची शक्यता असलेल्या चांदणी चौक येथील आरसीएच केंद्रास लायन्स क्लब ऑफ इचलकरंजीच्या वतीने तातडीने सिरीज उपलब्ध करून देण्यात आले. यामुळे खंड न पडता येथील लसीकरणास गती मिळाली. तातडीने सिरींजचा पुरवठा केल्याबद्दल नागरिकातून लायन्स क्लबच्या सेवा कायार्र्बद्दल कौतुक केले जात आहे.
कोरोनाचा प्रादुर्भाव रोखण्यासाठी केंद्र शासनाच्या वतीने सर्वत्र लसीकरण मोहिम राबविली जात आहे. त्यानुसार इचलकरंजी शहरामध्येही विविध भागात असलेल्या आरसीएच केंद्रामधून कोरोना लस दिली जात आहे. चांदणी चौक येथील आरसीएच केंद्रामध्ये लसीकरणा दरम्यान सिरीजचा तुटवडा निर्माण झाला होता. यामुळे लसीकरण खोळंबण्याची शक्यता व्यक्त केली जात होती. याप्रसंगी काहींनी लायन्स क्लबकडे यासंबधी मागणी केली.
तेेव्हा लायन्स क्लबचे अध्यक्ष लक्ष्मीकांत भट्टड, सेक्रेटरी शैलेंद्र जैन, ट्रेझरर महेंद्र बालर, जॉइंट सेक्रेटरी संगीता सारडा,कनक भट्टड त्याचबरोबर अन्य लायन्स पदादिकार्‍यांनी याची तातडीने दखल घेत 600 हून अधिक सिरिज तातडीने चांदणी चौक येथील आरसीएच केंद्रास उपलब्ध करून डॉ. सॅमसन घाडगे यांच्याकडे सुपूर्द केले. यावेळी लायन्स क्लब चे पदाधिकारी उपस्थित होते.