कुमठे ग्रामपंचायतीचा ट्रक्टर जप्त करुन चोरट्यांस अटक

ताजी बातमी ऑनलाईन टीम

कुमठे ग्रामपंचायतीचा चोरीस गेलेला ट्रॅक्टर पोलिसांनी जप्त करून एकास अटक केली आहे.याबाबत अधिक माहिती अशी की 31 ऑगस्ट 2021 रोजी कुमठे  ग्रामपंचायतीच्या मालकीचा ट्रॅक्टर ट्रॉली अज्ञात इसमाने चोरून नेला होता.याबाबत तासगाव पोलिसात फिर्याद दाखल करण्यात आली होती.या अनुषंगाने सांगली ग्रामीण पोलीसाना मिळालेल्या गोपनीय माहितीच्या आधारे त्यांनी  आरोपी आकाश रामचंद्र मदने रा. पद्माळे तालुका मिरज याच्याकडे चौकशी केली असता त्याने त्याचा साथीदार बिरू उर्फ विजय  अशोक टोकले मुळगाव हांगीरगी   तालुका सांगोला जिल्हा सोलापूर सध्या  रा. भिलवडी तालुका मिरज , यांच्या मदतीने सदर ट्रॅक्टरची नंबर प्लेट व नाव काढून टाकून त्याची विक्री केली  होती.सांगली ग्रामीण पोलीसानी चोरून नेला दोन लाख रुपये किमतीचा ट्रॅक्टर जप्त केला आहे.तसेच आरोपी आकाश रामचंद्र मदने यास अटक  केली आहे.सदरची कारवाई पोलीस अधीक्षक दीक्षित गेडाम,अप्पर पोलीस अधीक्षक मनीषा दुबले,उपविभागीय पोलिस अधिकारी शहर विभाग अजित टीके यांच्या मार्गदर्शनाखाली पोलीस निरीक्षक शिवाजी गायकवाड,पोलीस हेड कॉन्स्टेबल रमेश कोळी ,कपिल साळुंखे,पोलीस नाईक महेश जाधव,सचिन मोरे यांनी केली आहे.तसेच आरोपी व जप्त ट्रॅक्टर पुढील कारवाई करण्यासाठी तासगाव पोलिस ठाण्याकडे वर्ग करण्यात आला आहे.तासगाव पोलीस पुढील तपास करीत आहेत.