ताजी बातमी ऑनलाईन टीम
बालिंगा जलउपसा केंद्रात वीज पुरवठ्यासंदर्भात तांत्रिक काम : मंगळवारी कमी दाबाने, अपुरा पाणी पुरवठा : काटकसरीने पाणी वापरण्याचे महापालिकेचे आवाहन
कोल्हापूर बालिंगा जल उपसा केंद्रावरील पाणी उपसा प्रक्रिया सोमवारी (दि. 9 ) विद्युत पुरवठा खंडीत करण्यात येणार असल्याने बंद राहणार आहे. त्यामुळे शहरातील ए, बी वॉर्डसह सलग्न उपनगरे आणि ग्रामीण भागात पाणी पुरवठा होऊ शकणार नाही. मंगळवारीही कमी दाबाने अपुरा पाणी पुरवठा होण्याची शक्यता आहे. नागरिकांनी या दिवशी पाण्याचा काटकसरीने वापर करावा, असे आवाहन महापालिकेच्या वतीने करण्यात आले आहे.
महाराष्ट्र विद्युत पारेषण कंपनीकडून तांत्रिक कामकाजाकरीता बालिंगा जल उपसा केंद्राकडील विद्युत पुरवठा सोमवारी बंद ठेवण्यात येणार आहे. त्यामुळे या दिवशी पाणी उपसा प्रक्रिया बंद ठेवावी । लागणार आहे. पाणी उपसा होणार नसल्याने या केंदावर अवलंबून भागाला पाणी पुरवठा होऊ शकणार नाही, याची नागरिकांनी घ्यावी, असे आवाहन महापालिकेच्या पाणी पुरवठा विभागाने आहे.
सोमवारी पाणी पुरवठा बंद राहणारा शहरातील भाग असा ए, बी, वॉर्ड त्यास सलग्नीत उपनगरे, ग्रामीण भाग व शहराअंतर्गत येणारया लक्षतीर्थ वसाहत परिसर, संपूर्ण फुलेवाडी व फुलेवाडी रिंगरोड परिसर, सानेगुरूजी, राजेसंभाजी, क्रशरचौक, आपटेनगर टाकी, राजोपाध्येनगर, कणेरकरनगर, क्रांतीसिंहनाना पाटील नगर, तुळजाभवानी कॉलनी, देवकर पाणंद, टेंबे रोड, शिवाजीपेठ, चंद्रेश्वर रगल्ली, तटाकडील तालीम, साकोली कॉर्नर, उभा मारुती चौक, बिनखांबी गणेश मंदिर, महालक्ष्मी मंदिर, मिरजकर तिकटी, भारत डेअरी, महाव्दार रोड, मंगळवार पेठ काही भाग. संपूर्ण सी डी वॉर्डमधील दुधाळी, गंगावेश, उत्तरेश्वर पेठ, शुक्रवार पेठ परिसर, ब्रह्मपुरी, बुधवार पेठ तालीम, सिध्दार्थनगर, दसरा चौक, पापाची तिकटी, लक्ष्मीपुरी, शनिवारपेठ चौक, सोमवार पेठ परिसर, ट्रेझरी ऑफीस, बिंदू चौक , कॉमर्स कॉलेज, आझाद चौक, रविवार पेठ, उमा टॉकीज, गुजरी, देवल क्लब.
