जगभरात प्रसिद्ध असणारे इन्स्टंट मेसेजिंग प्लॅटफॉर्म व्हॉट्सॲप (WhatsApp) आता लवकरच व्यावसायिक वापरकर्त्यांसाठी म्हणजे व्हॉट्सॲप बिझनेस वापरणाऱ्या यूजर्ससाठी खास फिचर आणणार आहे. यामुळे युजर्सना मोठा फायदा होणार आहे.
एका रिपोर्टनुसार, व्हॉट्सॲप बिझनेस यूजरकरता (Whatsapp Buisness Users) प्रीमियम पेड सबस्क्रिप्शन सेवा अधिकृतपणे सुरू करणार आहे. यामुळे लोकांना व्यवसाय डिजिटल वाढवण्यासाठी मदत होणार आहे. कॉन्टॅक्ट लिंक कस्टमाइज करता येणार असून यूजरला एकाच नंबरवरून 10 मोबाईलमध्ये किंवा डिव्हाईसमध्ये आपले व्हॉट्सॲप अकाऊंट ओपन करता येणार आहे. याशिवाय झूम व गूगल मिट प्रमाणे व्हिडीओ कॉलिंगसाठी, मिटिंगसाठी व्हॉट्सॲप वापरकर्ते लिंक देखील शेअर करू शकणार आहेत.
जगात काही देशांतील व्हॉट्सॲप बीटा वापरकर्ते प्रीमियम सेवा आणि संबंधित काही वैशिष्ट्यांचा लाभ घेऊ शकणार आहेत. या खास सेवेसाठी कंपनी काही चार्जेस देखील घेणार आहे. सध्या यावर काम सुरू असून सुरुवातीला ही सेवा काही बीटा टेस्टर्स वापरकर्त्यांसाठी आणली जाणार आहे, अशी माहीती आहे. भारतात पुढील काही दिवसांत ही सेवा दिली जाऊ शकते, असं सांगण्यात येतंय.
माहीतीनुसार, काही दिवसानंतर ही सेवा ज्यांना हवी असेल, ते व्हॉट्सॲप बिझनेस युजर्स सेटिंग मध्ये जाऊन प्रीमियम पेड सबस्क्रिप्शन सेवा असा सेक्शन असलेल्या ठिकाणी क्लिक करून लाभ घेऊ शकतात. व्हॉट्सॲप ही सेवा ज्यांना बिझनेस वाढवून ग्राहकांना आकर्षित करण्यासाठी वेगवेगळ्या ऑफर्स द्यायच्या असतात, तेव्हा त्यांना अधिक व्हॉट्सॲप युजर्स किंवा ग्राहकांपर्यंत त्यांना पोहोचावे लागते, तेव्हा अशा व्यावसायिक यूजर्ससाठी ही सेवा अधिक फायदेशीर आहे.
