राजाराम निवडणुकीचा पहिला कल हाती, आप्पा महाडिकांची सरशी, बंटी पाटलांना पहिल्या फेरीत धक्का!

मागच्या एक महिन्यांपासून कोल्हापूर जिल्ह्यातील राजाराम सहकारी साखर कारखान्याच्या निवडणुकीची धुमशान सुरू आहे.
दरम्यान आज कोल्हापूर येथील रमण मळा येथे या कारखान्याच्या निवडणुकीची मतमोजणी होणार आहे. यामध्ये पहिल्या टप्प्यातील मतमोजणीला सुरूवात झाली आहे. यामध्ये तब्बल 700 मतांची सत्ताधारी महाडिक गटाने घेतली आहे. ज्या भागातील मतमोजणी झाली आहे. तो महाडिक यांचा बालेकिल्ला समजला जातो.

छत्रपती राजाराम कारखाना निवडणुकीच्या मतमोजणीचा पहिला कल हाती आला आहे. यामध्ये माजी आमदार महादेवराव महाडिक आणि आमदार सतेज पाटील गटात प्रचंड चुरस आहे. परंतु पहिल्या टप्प्यातील मतमोजणीनंतर महाडिक गटाने वर्चस्व मिळवलं आहे.

पहिल्या फेरीत सत्ताधारी छत्रपती राजर्षी शाहू सहकारी पॅनेलने आघाडी घेतली आहे. उत्पादक गट क्रं 1 मध्ये गट क्रमांक 1 पहिल्या फेरी अखेर मतदान आमदार बंटी पाटील गटाच्या पॅनलमधील बेनाडे शालन बाबुराव यांना 2441 मते तर भोसले किरण बाबासो- 2413 मते मिळाली.

याचबरोबर महाडिक गटाने उमेदवार भोसले विजय वसंत यांना 3244 मते मिळाली तर मगदूम संजय बाळगोंडा यांना 3169 मते मिळाली. यामध्ये तब्बल 700 मतांनी महाडिक गट आघाडीवर आहे.

उत्पादक गट क्रमांक 2 उमेदवार सत्ताधारी महाडिक गट 1)शिवाजी रामा पाटील =. 3198 2)सर्जेराव बाबुराव भंडारे =3173 3)अमल महादेवराव महाडिक =3358

विरोधी बंटी पाटील गट 1)शिवाजी ज्ञानू किबिले =2261 2)दिलीप गणपतराव पाटील =2328 3)अभिजीत सर्जेराव माने =2184