कोणाची ‘हिट विकेट’ गेली, हे सर्वांनी पाहिले : मुख्यमंत्री शिंदेंचा शरद पवारांना टोला

महाविकास आघाडीचे बोट फुटली आहे. अजित पवारांनी विकासाला साथ दिली आहे. आम्ही त्यांचे स्वागत केले आहे. काही दिवसांपूर्वी ‘कोणी गुगली टाकली, कोणाचा क्लिन बोल्ड झाला याची चर्चा रंगली होती; पण आज सर्वांनी पाहिले की, हीट विकेट कोणाची गेली?, अशा शब्दांमध्ये मुख्यमंत्री एकनाथ शिंदे यांनी राष्ट्रवादी काँग्रेसच्या फुटीवर भाष्य करत राष्ट्रवादी काँग्रेसचे अध्यक्ष शरद पवारांना टोला लगावला.