धाकट्या भावासोबत झोका खेळताना मोठ्या भावाच्या मानेलाच दोरी आवळली, मुलाच्या मृत्यूने हळहळ

वडील कामाला तर आई काही कामानिमित्त शेजारीच गेली होती. अशावेळी घरात एकटेच असलेले दोघे भाऊ घरातील ‎छतास लोखंडी हुकला लावलेला झोका खेळत होते. धाकट्या भावाचे खेळून झाल्यावर मोठ्या भावाने झोका खेळण्यास सुरूवात केली. मात्र, खेळत असतानाच ‎झोक्याच्या दोरीचा गळ्यालाच फास बसल्याने ‎त्याचा मृत्यू झाला. नाशिकमधील अंबड चुंचाळेच्या‎ म्हाडा ‎कॉलनीत ही हृदयद्रावक घटना घडली. या घटनेत निखिल ‎सोनवणे (वय 10) या मुलाचा मृत्यू झाला.नेमके काय घडले?

वडील कंपनीमध्ये कामाला गेले‎ होते तर आई काही कामासाठी‎ शेजारी गेली होती. निखिल आणि‎ त्याचा लहान भाऊ घरात एकटेच ‎झोका खेळत होते. धाकट्याचा ‎झोका खेळून झाल्यावर निखिलने ‎झोका खेळायला सुरुवात केली.‎ पलंगावरून तो झोका खेळत होता. ‎त्याने झोका गोल-गोल फिरवला‎ आणि त्याच्या मानेलाच झोक्याची ‎दोरी आवळली गेली. आधी तो‎पलंगावर असल्याने त्याला ते‎जाणवले नाही, मात्र त्याने उंच ‎झोका घेण्याच्या प्रयत्नातच त्याच्या‎गळ्याला फास लागला आणि तो‎ खाली पडला. तो काहीच बोलत‎ नसल्याने त्याच्या भाऊ धावतच‎आईकडे गेला. निखिल झोक्यावरून‎ पडला असून काहीच बोलत ‎नसल्याचे सांगताच आई धावतच ‎आली. निखिल निपचित पडला ‎होता. आईने तत्काळ दोरी कापून ‎त्याला उठवण्याचा प्रयत्न केला.‎तोपर्यंत शेजार-पाजारचे लोक जमा‎झाले होते. सगळ्यांनी त्याला जिल्हा‎ रुग्णालयात नेले, मात्र तोपर्यंत खूप‎ उशीर झाला होता.

क्षणात होत्याचे नव्हते, आई-वडिल सुन्न

‎याबाबत अंबड पोलिस‎ ठाण्यात आकस्मात मृत्यूची ‎नोंद करण्यात आली आहे.‎ अचानक घडलेल्या या घटनेने ‎कुटुंबावर दु:खाचा‎ डोंगरच कोसळला आहे.‎ क्षणात खेळत असलेल्या‎ मुलाबाबत असे झाल्याने त्याचे‎ आई-वडील सुन्न झाले‎ आहेत. तर आपल्याशी खेळत‎ असलेला आपला दादा कुठे ‎गेला अशी शोधणारी नजर ‎निखिलच्या धाकट्या भावाची‎ झाली आहे. या घटनेमुळे‎ परिसरातही हळहळ व्यक्त ‎होत आहे.