ताजी बातमी ऑनलाईन टीम
19 नोव्हेंबरचा दिवस हा भारतीय क्रिकेट टीम आणि त्यांच्या चाहत्यांसाठी अतिशय वाईट आणि निराशाजनक होता. वर्ल्डकप 2023च्या फायनलमध्ये ऑस्ट्रेलियाने भारताला हरवून सहाव्यांदा वर्ल्ड कप ट्रॉफी जिंकली. ऑस्ट्रेलियाने 6 विकेटने टीम इंडियावर विजय मिळवला. भारताच्या पराभवामुळे फक्त क्रिकेट टीमचं नव्हे तर प्रत्येक चाहत्याचही मन मोडलं.काहींनी हा पराभव खिलाडूपणे स्वीकारून विजेत्या टीमला शुभेच्छा दिल्या. पण काही लोकांना हा पराभव जिव्हारी लागला. त्या नादातच काहींनी अशी कृती केली, ज्यामुळे सगळेच हादरले.
अशीच एक धक्कादाय घटना अमरावती मध्ये घडल्याचे उघड झाले. भारत पराभूत झाल्याने मोठ्या मुलाने त्याचे वडील आणि लहान भावावर लोखंडी रॉडने हल्ला चढवला. या घटनेत गंभीर जखमी झालेल्या अंकित इंगोले याचा मृत्यू झाला, तर त्याच्याच वडिलांची प्रकृती अद्याप गंभीर असून त्यांच्यावर रुग्णालयात उपचार सुरू आहेत. या हादरवणाऱ्या घटनेमुळे सर्वत्र खळबळ माजली आहे. याप्रकरणी बडनेरा पोलिसांनी खुनाचा गुन्हा दाखल करून आरोपीला अटक केली.
अमरावती जवळील अंजनगाव बारी गावात ही घटना घडली. अंकित इंगोले (28) असे मृत तरूणाचे नाव असून प्रवीण इंगोले (32) आरोपीचे नाव आहे. रमेश इंगोले असे त्यांच्या वडिलांचे नाव असून ते गंभीर जखमी आहेत.
रविवारी रात्री हे तिघेही घरात वर्ल्डकप बघत बसले होते, तेव्हा ते मद्यपानही करत होते. मात्र भारत हरला आणि मॅच संपली. क्रिकेट मॅच हरल्यामुळे त्यांच्यात वाद सुरू झाला. तुम्ही मटण खाऊन आल्याने भारत हरला, असे सांगत नशेत असलेला आरोप प्रवीण याने शिवीगाळ करण्यास सुरूवात केली. त्याच्या वडिलांनी त्याचा मोबाईल खेचून घेतला आणि तो त्याला मारला. यामुळे आरोपी संतापला आणि रागाच्या भराच त्याने घरातून लोखंडी सळी आणली आणि त्याचा भाऊ अंकित याच्यावर हल्ला केला. तसेच वडिलांनाही मारहाण केली.
या हल्ल्या अंकित गंभीर जखमी होऊ खाली कोसळला आणि त्याचा मृत्यू झाला. तर त्यांचे वडील रमेश हे गंभीर जखमी असून त्यांच्यावर जिल्हा सामान्य रुग्णालयात उपचार सुरू आहेत. वडिलांच्या तक्रारीवरून बडनेरा पोलिसांनी भांदवि 302, 307 या कलमान्वये आरोपी प्रवीण याच्याविरोधात गुन्हा दाखल करून त्याला अटक केली.
तुम्ही मटण खाऊन आले म्हणून भारत हरला, वाद घालत मोठ्या भावाने लहान भावाला संपवलं
