एअरटेल आणि रिलायन्स जिओची ५जी सर्व्हिस आल्यानंतर अलीकडेच Vodafone Idea 5G सर्व्हिस दोन शहरांमध्ये लाइव्ह केल्याची घोषणा कंपनीनं आपल्या साइटवर केली होती. तसेच, मीडिया रिपोर्ट्स नुसार आता वोडाफोन आयडियानं आपल्या 5G Recharge Plans ची घोषणा केली आहे. Vi कंपनीच्या युजर्सना कोणत्या प्लॅन्ससह ५जी स्पीडसह डेटा मिळत आहेत आणि सध्या कोणत्या लोकेशनवर विआय 5G सर्व्हिस वापरता येतं ते पुढे जाणून घेऊया.जर तुमच्याकडे वोडाफोन आयडियाचं प्रीपेड सिम असेल आणि जर तुम्हाला कंपनीच्या ५जी स्पीडचा लाभ घ्यायचा असेल तर तुम्हाला Vi 475 Plan घ्यावा लागेल, असं कंपनीनं सांगितलं आहे.Vi 5G Postpaid Plans
तसेच जर तुम्ही विआय कंपनीचे पोस्टपेड युजर असाल तर तुम्हाला ५जी सर्व्हिससाठी REDX 1101 Plan घ्यावा लागेल. सुरुवातीला युजर्सना ५जी सर्व्हिस वापरायची असेल तर युजर्सचा नंबर दिल्ली किंवा महाराष्ट्रात रजिस्टर असावा.
Vi 4G सिमवर मिळेल 5G सर्व्हिस
जिओ आणि एयरटेल प्रमाणेच वोडाफोन आयडियानं सांगितलं आहे की युजर्सना ५जी सर्व्हिसचा लाभ घेण्यासाठी दुसरं सिम घेण्याची गरज नाही. म्हणजे तुम्हाला ४जी सिम सोबतच ५जी स्पीडचा वापर करता येईल. फक्त तुमच्याकडे एक ५जी फोन असावा आणि तुम्ही ज्या परिसरात आहेत तिथे ५जी सेवा उपलब्ध असावी.लोकेशनवर वोडाफोन आयडिया ५जी सर्व्हिस लाइव्ह
अलीकडेच कंपनीच्या वेबसाइटवर फुटर सेक्शन मध्ये सांगण्यात आलं आहे, “पुणे आणि दिल्लीत निवडक ठिकाणी ५जी सर्व्हिस लाइव्ह झाली आहे. तिथे ग्राहक भारतात विआय ५जी नेटवर्कच्या क्षमतेचा अनुभव घेऊ शकतात. विशेष म्हणजे वेबसाइटनुसार, युजर्स 5G रेडी सिमच्या मदतीनं हाय-स्पीड इंटरनेट अ‍ॅक्सेस करू शकतात.
