बॉलिवूडचा भाईजान सलमान खानच्या (Salman Khan) चाहत्यांसाठी एक आनंदाची बातमी आहे. भाईजानचा ‘टायगर 3′ (Tiger 3) हा सिनेमा काही दिवसांपूर्वी सिनेमागृहात प्रदर्शित झाला होता. बॉक्स ऑफिसवर या सिनेमाने निराशाजनक कामगिरी केली. पण आता हा सिनेमा ओटीटीवर रिलीज झाला आहे.टायगर 3’ या सिनेमाच्या दिग्दर्शनाची धुरा महेश शर्माने (Mahesh Sharma) यांनी सांभाळली आहे. दिवाळीच्या मुहूर्तावर हा सिनेमा ओटीटीवर रिलीज करण्यात आला होता. सलमानच्या चाहत्यांमध्ये या सिनेमाची चांगलीच क्रेझ आहे. सिनेमागृहात धमाका केल्यानंतर आता हा सिनेमा ओटीटीवर रिलीज होण्यास सज्ज आहे.
‘टायगर 3’ कुठे पाहता येईल? (Tiger 3 OTT Release)
‘टायगर 3’ हा बहुचर्चित सिनेमा प्रेक्षकांना प्राईम व्हिडीओवर पाहता येईल. प्राईम व्हिडीओने सोशल मीडियावर ‘टायगर 3’चं पोस्टर शेअर करत हा सिनेमा ओटीटीवर रिलीज झाल्याची घोषणा केली आहे. सलमाननेदेखील खास पोस्ट शेअर करत ‘टायगर 3′ ओटीटीवर आल्याची घोषणा केली आहे.टायगर 3’ या सिनेमात सलमान खान, कतरिना कैफ आणि इमरान हाशमी मुख्य भूमिकेत आहेत. मनीष शर्मा दिग्दर्शित या सिनेमाची निर्मिती यशराज फिल्मच्या बॅनरअंतर्गत करण्यात आली आहे. ‘टायगर 3’आधी ‘एक था टायगर’ आणि ‘टायगर जिंदा है’ हे सिनेमे प्रेक्षकांच्या भेटीला आले होते.
सलमान, कतरिना आणि इमरानसह ‘टायगर 3’ या सिनेमात रिद्धी डोगरादेखील महत्त्वाच्या भूमिकेत आहे. भारतीय बॉक्स ऑफिसवर या सिनेमाने 282.79 कोटींची कमाई केली आहे. तर जगभरात या सिनेमाने 464 कोटींचा गल्ला जमवला आहे. सलमान खानच्या आगामी सिनेमांची चाहत्यांना उत्सुकता आहे. गेल्या काही दिवसांपासून भाईजानचे सिनेमे बॉक्स ऑफिसवर निराशाजनक कामगिरी करत आहेत. आता त्याचा कोणता सिनेमा बॉक्स ऑफिस गाजवणार याकडे चाहत्यांचं लक्ष लागलं आहे.
