केंद्राने कर्मचाऱ्यांना 78 दिवसांचा बोनस (central government announces rs 2029 cr bonus) जाहीर केला आहे. कर्मचाऱ्यांच्या दृष्टीने हा मोठा निर्णय असून सरकारच्या या निर्णयाचा सुमारे 12 लाख कर्मचाऱ्यांना लाभ मिळणार आहे. दसरा आणि दिवाळीच्या सुट्ट्यांपूर्वी बोनस (festive 2024 bonus) मिळणार असल्याने कर्मचाऱ्यांमध्ये आनंदाचे वातावरण आहे.
केंद्रातील पंतप्रधान नरेंद्र मोदी यांच्या नेतृत्वाखालील एनडीए सरकारने गुरुवार 3 ऑक्टोबर रोजी पार पडलेल्या केंद्रीय मंत्रिमंडळाच्या बैठकीत हा मोठा निर्णय घेतला आहे. सरकारने हा निर्णय घेत रेल्वे कर्मचाऱ्यांना मोठी भेट दिली आहे. त्यानुसार, मंत्रिमंडळाच्या बैठकीत रेल्वे कर्मचाऱ्यांसाठी बोनस मंजूर करण्यात आला असल्याची माहिती केंद्रीय मंत्री अश्विनी वैष्णव यांनी दिली.
निर्णयानुसार, रेल्वे कर्मचाऱ्यांना एकूण 2029 कोटी रुपयांचा बोनस दिला जाईल. एकूण 78 दिवसांचा हा बोनस असेल. रेल्वे ट्रॅक मेंटेनर, लोको पायलट, ट्रेन मॅनेजर (गार्ड), स्टेशन मास्टर, पर्यवेक्षक, तंत्रज्ञ, तंत्रज्ञ हेल्पर, पॉइंट्समन आणि इतर कर्मचाऱ्यां हा बोनस दिला जाणार आहे. पात्र रेल्वे कर्मचाऱ्यांना दरवर्षी दुर्गा पूजन/दसऱ्याच्या सुट्टीपूर्वी बोनस दिले जाते. त्यानुसार, नवरात्रीच्या पहिल्याच दिवशी बोनस जाहीर करण्यात आला आहे. केंद्र सरकारच्या या निर्णयाचा सुमारे 11 लाख 72 लाख अराजपत्रित रेल्वे कर्मचाऱ्यांना लाभ होणार आहे. या निर्णयानुसार रेल्वे कर्मचाऱ्यांना 78 दिवसांच्या पगाराच्या बरोबरीने पीएलबी रक्कम मिळणार आहे. 78 दिवसांसाठी प्रति रेल्वे कर्मचाऱ्याची कमाल देय रक्कम रु. 17,951 इतकी आहे.
2029 कोटींचा नीधी
केंद्र सरकारने जाहीर केलेल्या या बोनसचा लाभ एकूण 11,72,240 रेल्वे कर्मचाऱ्यांना मिळणार आहे. या निर्णयानुसार, कर्मचाऱ्यांना 78 दिवसांचा बोनस दिला जाईल. यासाठी 2029 कोटी रुपयांची तरतूद केली गेली आहे. कर्मचाऱ्यांना दिला जाणारा हा प्रोडक्टिविटी लिंक्ड बोनस (PLB) असणार आहे.
