HDFC बँकेने जाहीर केले आहे की 22 ऑगस्ट गुरुवार रात्री 11 वाजल्यापासून 23 ऑगस्ट शुक्रवार (customers)सकाळी 6 वाजेपर्यंत सिस्टीम मेंटेनन्समुळे काही सेवा तात्पुरत्या बंद राहतील. या 7 तासांच्या विंडोदरम्यान ऑनलाईन पेमेंटमध्ये अडथळे येऊ शकतात, त्यामुळे ग्राहकांनी महत्त्वाचे व्यवहार आधीच पूर्ण करण्याचा सल्ला देण्यात आला आहे. बँकेनुसार, ही तात्पुरती असुविधा भविष्यातील अधिक वेगवान, सुरक्षित आणि स्थिर बँकिंग अनुभवासाठी आहे. मेंटेनन्सदरम्यान काही चॅनेल्स उपलब्ध राहतील, तर काही मर्यादित किंवा बंद असतील. अचानक पैसे ट्रान्सफर करण्याची वेळ टाळण्यासाठी आगाऊ नियोजन करणं हितावह ठरेल.
या कालावधीत फोन बँकिंगचा IVR, ईमेल सेवा, सोशल मीडिया व व्हॉट्सॲपवरील चॅटबँकिंग आणि SMS बँकिंग तात्पुरते थांबतील. खाते किंवा कार्ड हॉटलिस्ट करण्यासाठी दिलेला टोल-फ्री क्रमांक मात्र सुरू ठेवला जाणार आहे, त्यामुळे सुरक्षा-संबंधित अर्जन्सी हाताळता येईल.(customers)दरम्यान फोनबँकिंग एजंट सेवा, नेटबँकिंग, मोबाईल बँकिंग, PayZapp आणि MyCards ॲप्स नेहमीप्रमाणे उपलब्ध राहतील अशी माहिती देण्यात आली आहे. तरीही, काही बाह्य पेमेंट चॅनेल्स/इंटिग्रेशन्स जसे UPI ॲप्स – PhonePe/GPay आणि नेटबँकिंग सर्व्हरवर मर्यादित उपलब्धता किंवा स्लो रेस्पॉन्सची शक्यता वर्तवली जात आहे; त्यामुळे ग्राहकांनी व्यवहारांसाठी पर्याय तयार ठेवावेत.
EMI, बिल पेमेंट, SIP किंवा वेळ-सम्वेदनशील ट्रान्सफर्स 22 ऑगस्ट रात्री 11 वाजण्यापूर्वीच पूर्ण करा. आपत्कालीन देयकांची गरज भासू शकते, म्हणून पर्यायी पेमेंट मोड दुसरी बँक, UPI दुसऱ्या अकाऊंटवर, किंवा इतर ॲप्स तयार ठेवा.व्यवहारांसंबंधी SMS/ईमेल अलर्ट्स तात्पुरते उशिरा मिळू शकतात, हे लक्षात ठेवा.(customers)मेंटेनन्स संपल्यानंतर सेवांचा रीकनेक्ट/सिंक पूर्ण होईपर्यंत काही फीचर्स टप्प्याटप्प्याने स्थिर होतील. कोणतीही तातडीची समस्या असल्यास फोनबँकिंग एजंटशी संपर्क साधा; कार्ड/खाते ब्लॉकसारख्या सुरक्षा विनंत्यांसाठी टोल-फ्री लाईन उपलब्ध राहील.
