दिवाळीपूर्वीच्या प्रथम सत्र परीक्षा शुक्रवारपासून सुरू होत आहेत. काही शाळांमध्ये परीक्षा आधीच सुरू झाल्या आहेत. 15 October पर्यंत विद्यार्थ्यांच्या परीक्षा संपतील.त्यानंतर शासनाने जाहीर केलेल्या सार्वजनिक सुट्ट्यांच्या यादीनुसार विद्यार्थ्यांना दिवाळी सुट्ट्या लागणार आहेत. 16 ते 27 October दरम्यान दिवाळी सुट्टी असेल.
शैक्षणिक वर्षात 52 रविवारी शाळांना सुट्टी असते. याशिवाय शाळांना सण-उत्सव, महापुरुषांच्या जयंतीनिमित्त 76 सार्वजनिक सुट्ट्या देखील असतात. शैक्षणिक वर्षातील उर्वरित 237 दिवसांमध्ये विद्यार्थ्यांना अध्यापन केले जाते. यंदा जिल्हा परिषद, महापालिका आणि खासगी अनुदानित शाळांमध्ये विद्यार्थ्यांना 12 दिवसांची दिवाळी सुट्टी मिळणार आहे. शैक्षणिक वर्षाच्या शेवटी 2 May ते 13 June दरम्यान शाळांना उन्हाळी सुट्ट्या असतील. तत्पूर्वी, एप्रिलच्या दुसऱ्या आठवड्यात द्वितीय सत्र परीक्षा सुरू होतील.
पूर्वी दरवर्षी एप्रिलच्या पहिल्या आठवड्यात परीक्षा पार पडत होत्या आणि विद्यार्थ्यांना एप्रिलच्या तिसऱ्या आठवड्यात सुट्टी लागायची. त्यामुळे परीक्षा संपल्यावर विद्यार्थी शाळेत येत नसत. महाराष्ट्र राज्य शैक्षणिक संशोधन व प्रशिक्षण परिषदेने यामध्ये बदल करून सर्व शाळांची द्वितीय सत्र परीक्षा एकाचवेळी सुरू करण्याचे आदेश दिले. यामुळे शैक्षणिक वर्षात किमान 220 दिवस विद्यार्थ्यांचे अध्यापन सुनिश्चित होईल.
28 October पासून शाळा सुरू
दिवाळीपूर्वीची प्रथम सत्र परीक्षा आज (ता. 10) पासून सुरू होईल. 15 October पर्यंत परीक्षा संपतील. त्यानंतर 16 October पासून विद्यार्थ्यांना आणि शाळांना दिवाळी सुट्ट्या लागतील. 28 October पासून शाळा पुन्हा सुरू होतील अशी माहिती सोलापूरचे प्राथमिक शिक्षणाधिकारी कादर शेख यांनी दिले.
दिवाळीनंतर शिक्षकांची इलेक्शन ड्युटी
दिवाळीनंतर, नोव्हेंबर 2025 ते जानेवारी 2026 दरम्यान सोलापूरसह राज्यभरातील जिल्हा परिषद, पंचायत समित्या, महापालिका, नगरपालिका आणि नगरपरिषदांच्या निवडणुका होणार आहेत. या निवडणुकांचे आयोजन दोन टप्प्यात होईल. यासाठी मनुष्यबळाची आवश्यकता जास्त असल्यामुळे दोन्ही टप्प्यांमध्ये शिक्षकांना निवडणुकीसाठी काम करावे लागणार आहे.
यंदा दिवाळीत फक्त 12 दिवस सुट्टी
दिवाळीला एक महिना बाकी आहे. त्यामुळे यंदा दिवाळीत किती दिवस सुट्या मिळणार याची पालक आणि विद्यार्थ्यांमध्ये उत्सुकता आहे. शिक्षण विभागाने यंदाच्या दिवाळीच्या सुट्ट्यांबाबत एक महत्त्वपूर्ण घोषणा केली आहे. या वर्षी शालेय विद्यार्थ्यांना दिवाळीत 12 दिवसांची सुट्टी मिळणार आहे. यामुळे पालिक आणि विद्यार्थ्यांमध्ये आनंदाचे वातावरण आहे.
यंदा दरवर्षीपेक्षा कमी सुट्ट्या देण्यात आल्याने काही प्रमाणात नाराजी व्यक्त केली जात आहे. कारण याआधी ही सुट्टी जवळपास 21 दिवसांची म्हणजेच तीन आठवड्यांची दिली जात होती. यंदा फक्त 12 दिवस शाळांना सुट्टी असणार आहे. यंदा 16 ते 27 ऑक्टोबरपर्यंत दिवाळीची सुट्टी देण्यात आली आहे. पहिल्या सत्रातील परीक्षा दिवाळीआधी होणार आहे, तर दुसऱ्या सत्रातील परीक्षा उन्हाळी सुट्ट्यांआधी होणार आहे. 15 एप्रिलआधी दुसऱ्या सत्रातील परीक्षा घेण्याचा निर्णय घेण्यात आला आहे.
