कोल्हापूर जिल्ह्यात पुन्हा एकदा बंदी आदेश लागू करण्यात आला आहे. जिल्ह्यात विविध पक्ष/संघटना यांच्याकडून त्यांच्या विविध मागण्यांकरीता आंदोलन, उपोषण, मोर्चा इ.प्रकारची आंदोलने करण्यात येत असून जिल्ह्यात नवरात्रोत्सव मोठया प्रमाणात साजरा होणार आहे. जिल्ह्यात कायदा व सुव्यवस्था राखण्याकरिता अपर जिल्हादंडाधिकारी संजय तेली यांनी 7 ऑक्टोबर 2023 रोजी सकाळी 7 वाजल्यापासून ते 21 ऑक्टोबर 2023 रोजी रात्री 12 वाजेपर्यंत बंदी आदेश लागू केला आहे.
सकल मराठा समाजास ओ.बी.सी प्रवर्गातून आरक्षण मिळावे या मागणीकरीता जिल्ह्यात विविध ठिकाणी आंदोलन, मोर्चा काढण्यात येत असून स्वाभिमानी शेतकरी संघटनेच्यावतीने ऊसाला प्रतिटन जादा 400 रुपये मिळावे व मागील एफआरपी या मागणीकरीता कारखाना स्थळावर आंदोलने करण्यात येणार आहेत.
जिल्ह्यात विविध पक्ष/संघटना यांच्याकडून त्यांच्या विविध मागण्यांकरीता आंदोलन, उपोषण, मोर्चा इ.प्रकारची आंदोलने करण्यात येत असून जिल्ह्यात नवरात्रोत्सव सण मोठया प्रमाणात साजरा होणार आहे. जिल्ह्यात कायदा व सुव्यवस्था राखण्याकरिता महाराष्ट्र पोलीस अधिनियम, 1951 चे कलम 37 (1) अ ते फ आणि कलम 37 (3) अन्वये अपर जिल्हादंडाधिकारी संजय तेली यांनी 7 ऑक्टोबर 2023 रोजी सकाळी 7 वाजल्यापासून ते 21 ऑक्टोबर 2023 रोजी रात्री 12 वाजेपर्यंत बंदी आदेश लागू केला आहे.
हा हुकूम ज्या सरकारी अधिकारी/कर्मचारी यांना त्यांची कर्तव्य, अधिकार बजाविणे संदर्भात कामकाज करताना उपर्निर्दिष्ट वस्तू हाताळाव्या लागतात आणि एकत्र जमावे लागते व ज्या व्यक्तींनी पोलीस अधीक्षक, कोल्हापूर अगर संबंधित उपविभागीय पोलीस अधिकारी अगर संबंधित विभागाचे पोलीस निरीक्षक किंवा सक्षम प्राधिकारी यांची परवानगी घेतलेली आहे, अशा व्यक्तींना तसेच सर्व जातीधर्माचे सण/उत्सव/जयंती/यात्रा इ. हे शांततामय मार्गाने साजरे करण्याकरीता जमा होणारा जनसमुदाय यांना व लग्न, इतर धार्मिक समारंभ, सण, यात्रा, प्रेतयात्रा इत्यादी यांना लागू असणार नाही.
