एलोन मस्क यांचे सोशल मीडिया प्लॅटफॉर्म ट्विटर पुन्हा डाउन झाले आहे. दिवसभरात दुसऱ्यांदा X चा सर्व्हर डाउन झाला आहे. Downdetector.com नुसार, एलन मस्क यांचा सोशल मीडिया प्लॅटफॉर्म X युनायटेड स्टेट्समधील हजारो वापरकर्त्यांसाठी पुन्हा एकदा बंद झाला आहे.
जगभरातील वापरकर्ते XDown बद्दल तक्रार करत आहेत. भारतात देखील एक्स ओपन होत नाहीये. देशात आज दुपारी 3 वाजताच्या एक्सची सेवा बंद पडली, होती त्यानंतर रात्री 8 वाजता पुन्हा सेवा विस्कळीत झाली आहे.
सोशल मीडियावर वापरकर्त्यांकडून तक्रारी
आउटेज ट्रॅकिंग वेबसाइट डाउनडिटेक्टरवरील वापरकर्त्यांच्या अहवालांवरून असे दिसून येते की दिवसाच्या सुरुवातीला थोड्या अंतराने आउटेजच्या तक्रारींची संख्या 40 हजारांपेक्षा जास्त झाली. अनेक X वापरकर्त्यांनी मोठ्या प्रमाणात X आउटेजची तक्रार केली आबे. यूके अमेरिकेतील 10,800 हून अधिक वापरकर्त्यांनी दिवसभर डाउनडिटेक्टरवरील आउटेजची तक्रार केली.
दुपारपासून वापरकर्त्यांकडून तक्रारी
दुपारपर्यंत ऑनलाइन आउटेजचा मागोवा घेणाऱ्या प्लॅटफॉर्म डाउनडिटेक्टरने भारतातून जवळपास 2,500, युनायटेड स्टेट्समध्ये 22,000 आणि युनायटेड किंग्डममध्ये 10,000 हून अधिक तक्रारी नोंदवल्या गेल्या.
अॅप आणि वेबसाइटची सेवा पूर्णपणे बंद
अॅप आणि वेबसाइट योग्यरित्या काम करत नाहीत अशी तक्रार जगभरातील वापरकर्त्यांनी तक्रार केली आहे. अनेक वापरकर्त्यांनी सांगितले की त्यांना त्यांच्या एक्स फीडमध्ये प्रवेश करण्यात समस्या येत आहेत. डाउनडिटेक्टर वेबसाइटवरील डेटावरून असे दिसून आले की दुपारी 3.20 च्या सुमारास मायक्रोब्लॉगिंग प्लॅटफॉर्मबद्दल जगभरातून हजारो तक्रारी दाखल करण्यात आल्या. आता पुन्हा एकदा X ची सेवा बंद झाली आहे.
रात्री 8 वाजता पुन्हा बंद झाली सेवा
या आउटेजला प्रतिसाद म्हणून अनेक वापरकर्ते फेसबुक आणि रेडिट सारख्या इतर सोशल मीडिया प्लॅटफॉर्मवर गेले आणि त्यांनी स्टेटस तपासले आणि आउटेजची पुष्टी केली. त्यानंतर काही वेळातच X ने त्यांची सेवा पुन्हा सुरू केली. परंतु ती रात्री 8 वाजता पुन्हा बंद झाली आणि ही मोठ्या प्रमाणात आहे.
