दाक्षिणात्य सुपरस्टार अभिनेत्री रश्मिका मंदाना आणि अभिनेता विजय देवरकोंडा यांचा विवाह आज, २६ फेब्रुवारी २०२६ रोजी पार पडला आहे. उदयपूरमध्ये त्यांचा शाही विवाहसोहळा आयोजित करण्यात आला होता.दाक्षिणात्य चित्रपटसृष्टीतील हे बहुचर्चित जोडपे, ज्यांना फॅन्स ‘विरोश’ म्हणून ओळखतात, आता आधिकृतपणे पती-पत्नी झाले आहेत. त्यांच्या लग्नातील काही खास क्षण सर्वांसमोर आले आहेत.
या लग्नाचा कार्यक्रम उदयपूरच्या बाहेर सुमारे २५ किलोमीटर अंतरावर असलेल्या ITC Mementos (किंवा ITC Mementoes) या आलिशान रिसॉर्टमध्ये अत्यंत खाजगी स्वरूपात झाला. दोघांनी दोन वेगवेगळ्या सांस्कृतिक परंपरांचा आदर करून लग्न केले
सकाळी तेलुगू/आंध्र रितीरिवाजांनुसार (विजयच्या मूळ संस्कृतीनुसार) मुख्य विधी पार पडले. यात सप्तपदी, मंगळसूत्र बांधणे, वरमाला इत्यादी विधी होत्या. या वेळी दोघेही भावुक झाले होते आणि वरमाला घालताना डोळ्यात अश्रू आले होते.
त्यानंतर संध्याकाळी कोडावा (रश्मिकाच्या कोडागू मूळ संस्कृतीनुसार) पद्धतीने दुसरा समारंभ पार पडला. लग्न फक्त जवळचे कुटुंबीय, मित्र आणि तेलुगू चित्रपटसृष्टीतील काही मोजक्या कलाकारांना निमंत्रण देण्यात आले होते. या लग्न सोहळ्यात मोबाइल फोन वापरण्यास पूर्ण बंदी होती, ज्यामुळे संपूर्ण सोहळा खाजगी ठेवण्यात आला.
लग्नानंतर रश्मिका आणि विजयने इंस्टाग्रामवर पहिले लग्न फोटो शेअर केले. या फोटोंमध्ये दोघेही आनंदी आणि भावुक दिसत आहेत. रश्मिकाने कोडावा स्टाइलसाडी परिधान केली होती, जी तिच्या सासूने भेट दिली होती.
विजय आणि रश्मिकाचे लग्न हे अगदी राजेशाही थाटात पार पडले आहे. सध्या सोशल मीडियावर त्यांच्या लग्नातील फोटो तुफान व्हायरल होत आहेत. चाहते त्यांच्या फोटोवर शुभेच्छांचा वर्षाव करताना दिसत आहेत.
