माघ पौर्णिमा हा हिंदू दिनदर्शिकेतील महत्त्वाचा दिवस आहे. धार्मिक ग्रंथात माघ महिन्यात पवित्र स्नानाचा महिमा आणि तपश्चर्याचे वर्णन केले आहे. असे मानले जाते की माघ महिन्यातील प्रत्येक दिवस दान करण्यासाठी विशेष असतो. माघ पौर्णिमेला माघी पौर्णिमा म्हणून देखील ओळखले जाते. हा माघ महिन्यातील शेवटचा आणि महत्त्वाचा दिवस असतो. माघी पौर्णिमेला प्रयाग, गंगा, यमुना आणि सरस्वती नद्यांच्या संगमावर लोक पवित्र स्नान, भिक्षा, गाय आणि होम दान यासारखे काही विधी करतात.
माघ महिन्यात लोक संपूर्ण महिनाभर पहाटे गंगा किंवा यमुनेत स्नान करतात. पौष पौर्णिमेपासून सुरू होणारे रोजचे स्नान माघ पौर्णिमेला संपते. या काळात केलेले सर्व धर्मकार्य सहज फळ देतात अशी मान्यता आहे. त्यामुळे लोक त्यांच्या क्षमतेनुसार गरजूंना दान करतात. हा कल्पवासाचा शेवटचा देखील दिवस आहे. प्रयाग येथे गंगा नदीच्या तीरावर एक महिनाभर तपश्चर्याचे आयोजन केले जाते, त्याला कल्पवास म्हणतात. माघ पौर्णिमेला संत रविदास जयंती देखील साजरी केली जाते.
माघ पौर्णिमा तिथी : बुधवारी 16 फरवरी 2022 रोजी
पौर्णिमा तिथी प्रारंभ : 15 फेब्रुवारी रात्री 09:42 वाजता
पौर्णिमा तिथी समाप्‍ती : 16 फेब्रुवारी रात्री 10:25 वाजता
