बॉलिवूडचा भाईजान अर्थात सलमान खान (Salman Khan) आणि ईद (Eid 2022) यांच खास नातं आहे. बॉलिवूडमध्ये अनेक स्टार व प्रोडक्शन हॉऊस हे एखाद्या सण उत्साहाचे औचित्य ठेऊन आपला चित्रपट प्रदर्शित करीत असतात. तसेच अभिनेता सलमान खान हा दर ईदला आपला चित्रपट प्रदर्शित करत असतो. यंदा मात्र त्याने ईदच्या निमित्ताने आपला नवा सिनेमा प्रदर्शित केला नाही. अर्थात सध्या तो त्याच्या आगामी ‘टायगर ३’ च्या चित्रपटाच्या चित्रिकरणात व्यस्त आहे. पण, ईदच्या निमित्ताने तमाम सिनेरसिकांना सलमान खानची आठवण सतावत आहे. तसेच दुसरीकडे ईदच्या निमित्ताने सलमानचा कोणताही चित्रपट नसल्याने बॉक्स ऑफिसचे कलेक्शन ऐन उन्हाळ्यात थंड पडल्याचे पहायला मिळाले.
सलमान खानचा (Salman Khan) एक डायलॉग आहे, ‘मैं दिल में आता हूं, समझ नहीं’ अर्थात हा त्याचा डायलॉग आहे, पण ईदच्या दिवशी त्याला मिळणार्याय प्रेमातून हे अनेकवेळा खरे ठरले आहे. पण भाईजानने २०२२ च्या ईदला चित्रपट प्रदर्शित केला नाही. त्यामुळे बॉक्स ऑफिसवर शांतता आहे. ईदच्या निमित्ताने अजय देवगण (Ajay Devgan) आणि टायगर श्रॉफ (Tiger Shroff) यांनी आपापले चित्रपट प्रदर्शित केले. परंतु, हे दोन्ही चित्रपट भाईजानच्या एकाही चित्रपटाच्या ओपनिंगला टक्कर देऊ शकले नाहीत. या सर्व स्थितीचा फायदा मात्र केजीएफ २ (KGF 2) ला झाल्याचे पहायला मिळाले.
चित्रपट व्यापार विश्लेषक तरण आदर्श यांनी ईदला रिलीज झालेल्या सलमान खानच्या चित्रपटांचे पहिल्या दिवसाचे बॉक्स ऑफिस कलेक्शन दिले आहे. त्यावर एक नजर टाकूया. २०१०: दबंगची कमाई १४.५० कोटी रुपये, २०११: बॉडीगार्डची कमाई २१.६० कोटी रुपये, २०१२: एक था टायगरची कमाई ३२.९३ कोटी रुपये, २०१४: किकने २६.४० कोटी रुपयांची कमाई केली, २०१५ : बजरंगी भाईजान २७.२५ कोटी रुपये कमावले. २०१६ : सुलतानने ३६.५४ कोटी रुपयांची कमाई केली, २०१७ : ट्यूबलाइटने २१.१५ कोटी रुपयांची कमाई केली, २०१८ : रेस ३ ने २९.१७ कोटी आणि २०१९ : भारतने ४२.३० कोटी रुपयांची कमाई केली.
