भाजप नेते केंद्रीय गृह मंत्री अमित शहा कोल्हापुरात येणार म्हणून शहरात जय्यत तयारी केली होती. शहरात स्वच्छतेपासून ते रस्त्याच्या नियोजनात पोलीस आणि प्रशासनाने कोणतीही कसूर ठेवली नाही. अमित शहा कोल्हापुरात दाखल होताच त्यांनी करवीर निवासिनी अंबाबाई मंदिरात जाऊन दर्शन घेतले. यानंतर शिवजयंतीनिमित्त कोल्हापुरातील छत्रपती शिवाजी महाराज चौकातील महाराजांच्या पूर्णाकृती पुतळ्यास पुष्पहार अर्पण करून अभिवादन केले. त्यानंतर त्यांनी दसरा चौकातील राजर्षी छत्रपती शाहू महाराज यांच्या पुतळ्यास पुष्पहार अर्पण करून अभिवादन केले.
केंद्रीय गृह मंत्री अमित शाह यांच्या पत्नी सोनल शाह यांच्यासह कुंकूमार्चन पूजा केली. तसेच ‘आई अंबाबाई, सर्वांना सुख, समृध्दी दे !’ अशी प्रार्थना केली. यावेळी मराठी भाषा मंत्री तथा पालकमंत्री दीपक केसरकर, उच्च व तंत्रशिक्षण मंत्री चंद्रकांतदादा पाटील, खासदार धनंजय महाडिक, खासदार धैर्यशील माने, आमदार चंद्रशेखर बावनकुळे, पश्चिम महाराष्ट्र देवस्थान व्यवस्थापन समितीचे अध्यक्ष तथा जिल्हाधिकारी राहुल रेखावार, विशेष पोलीस महानिरीक्षक सुनील फुलारी, जिल्हा पोलीस अधीक्षक शैलेश बलकवडे, समरजितसिंह घाटगे, महेश जाधव, राहुल चिकोडे, देवस्थान व्यवस्थापन समितीचे सचिव शिवराज नाईकवाडे आदी उपस्थित होते.
अंबाबाईचे दर्शन घेतल्यानंतर अमित शहा यांनी शिवजयंतीनिमित्त कोल्हापुरातील छत्रपती शिवाजी महाराज चौकातील महाराजांच्या पूर्णाकृती पुतळ्यास पुष्पहार अर्पण करून अभिवादन केले. त्यानंतर त्यांनी दसरा चौकातील राजर्षी छत्रपती शाहू महाराज यांच्या पुतळ्यास पुष्पहार अर्पण करून अभिवादन केले.
