ज्योतिषशास्त्रात नवग्रहांपैकी मंगळ ग्रहाला ग्रहांचा सेनापती म्हटले जाते. १२ राशीतील मेष आणि वृश्चिक राशीवर मंगळ ग्रहाचा अधिक प्रभाव असतो. सध्या मंगळ मीन राशीत असून येत्या १ जून रोजी तो त्याची स्वराशी असलेल्या मेष राशीत प्रवेश करणार आहे जो १२ जुलैपर्यंत याच राशीत असेल. त्यामुळे मंगळ जवळपास ४१ दिवस मेष राशीत असेल ज्याचा सकारात्मक प्रभाव काही राशीच्या लोकांना पाहायला मिळेल.
ज्योतिषशास्त्रानुसार मंगळ ग्रह ऊर्जा, साहस, भूमी, पराक्रमाचा कारक ग्रह मानला जातो. ज्या व्यक्तीच्या कुंडलीत मंगळ मजबूत स्थितीत असतो अशी व्यक्ती साहसी, पराक्रमी असते. असे लोक प्रत्येक क्षेत्रात आपला ठसा उमटवण्यासाठी सक्षम असतात. दरम्यान, मंगळाच्या मेष राशीतील प्रवेशाने मंगळ १२ राशींपैकी तीन राशींना खूप शुभ परिणाम पाहायला मिळतील.
मेष
मेष ही मंगळाची स्वराशी असून याच राशीमध्ये तो प्रवेश करणार आहे. हे राशीपरिवर्तन मेष राशीच्या व्यक्तींसाठी खूप लाभदायी सिद्ध होईल. आयुष्यात खूप चांगले बदल पाहायला मिळतील. या ४१ दिवसाच्या काळात तुमच्यात साहस निर्माण होईल. कामाच्या ठिकाणी कामाचे खूप कौतुक होईल. मान-सन्मान वाढेल. कुटुंबातील व्यक्तींसोबत फिरायला जाल, आर्थिक धनलाभ होण्याची दाट शक्यता आहे. या काळात जमीन खरेदी करु शकता. मुलांकडून आनंदी वार्ता येतील.
धनु
धनु राशीच्या व्यक्तींसाठी देखील हे राशीपरिवर्तन खूप नवे बदल घेऊन येईल. या ४१ दिवसाच्या काळात अचानक धनलाभ होईल, अडकलेले पैसे परत मिळतील. या काळात तुम्ही नेहमी सकारात्मक राहाल. स्पर्धा परिक्षेत उत्तम यश मिळेल.वैवाहिक जीवन सुखमय राहिल तसेच जे अविवाहित आहेत त्यांचे लग्न ठरेल. मित्रांसोबत चांगला वेळ घालवाल त्यांच्यासोबत पिकनिकचा प्लानदेखील कराल. नवीन गोष्टी शिकण्याची संधी मिळेल. वरिष्ठांची मदत मिळेल. या काळात करिअरमध्ये यश मिळेल; तसेच प्रमोशनही मिळेल.
मीन
मंगळाच्या मेष राशीतील राशीपरिवर्तनाने मीन राशीच्या व्यक्तींना देखील अनेक चांगले बदल दिसून येतील. या ४१ दिवसाच्या काळात खूप सकारात्मक राहाल. तुमच्यात आत्मविश्वास निर्माण होईल. आर्थिक परिस्थिती उत्तम राहील. कर्ज फेडण्यास मदत होईल. वाहन, मोबाईल खरेदी करण्याची इच्छा पूर्ण होईल. कुटुंबांत शुभकार्य होतील. आरोग्य उत्तम राहील.धार्मिक तीर्थक्षेत्रांना आवर्जून भेट द्याल. माणसिक तणावातून मुक्त व्हाल, शक्य असल्यास या काळात मेडिटेशनन करा.
